إحسان الفقيه و هي تحاول أن تقدم الإخوان كأبطال العالم في التعايش

مازن كم الماز

الحوار المتمدن-العدد: 6617 - 2020 / 7 / 13 - 04:27
المحور: العلمانية، الدين السياسي ونقد الفكر الديني
    

إحسان , ما رح ادخل معك بتفاصيل كتير لسبب بسيط هو إنه واضح إنك عم تحكي مع حالك رغم أنو المفروض أنك عم تحاولي تجملي صورة الإخوان أمام الناس اللي مو إخوان و لا طايقين الإخوان سواء كانوا إسلاميين أو علمانيين أو ناس عاديين أو ولا شي متلي .. إنت عم تحكي عن معجزات جماعتك و أنهم من الأنبياء المؤيدين بمعجزات ربانية , تمام , كتير حلو هالحكي , أنا معك تماما و بالمطلق , يللا اتفضلوا فرجونا معجزاتكم , مو بس أنا , فرجوها للعالم كله , اتفضلوا اتحدونا و اتحدوا العالم كله , كل اللي مو معكم و مو مصدق كلامكم .. رح حاول كون محدد و أعطيكي مثال : أكيد عندك موبايل و لابتوب و تلفزيون و غسالة و براد و احتمال كبير يكون عندك سيارة الخ , اطلعي فيهم و اطلعي حواليكي إحسان , كل هاد و كل شيء شايفتيه حواليكي هو معجزات حقيقية من صنع عقل الإنسان لما اتخلص من الخرافات و صار يفكر بالعالم اللي حواليه و يحلله و يفهمه من دون أوهام , لما بدأ يشوف شو عم يصير قدامه فعلا مو خيالات و إهلاسات بعض البشر اللي إنت و جماعتك بتسموهم أنبياء .. أنا ما عم قول إنه العلم رح يحل مشاكل الإنسان كلها , لكن الأكيد إنه رح يخليه يشوف نفسه و يشوف العالم من دون أي أوهام , الحقيقة إنه مشاكل العالم أكبر من إنه نحلها بمجرد إنه نفهمها , و الحقيقة إنه احتمالات السعادة و الألم متساوية أو واردة , لكن إنت و جماعتك ما عندك شي تقدموه للناس , لا مسلمين و لا مسيحيين و لا ملحدين , بس وهم , كذبة , بتخفف توتر الحياة و بتخلص البشر من توتر حرية الخلق و العيشة بدون أوهام و بمسؤولية كاملة عن حياتهم و قراراتهم بس ما بتحل شيء .. اتصوري إحسان لو غاليلو و اينشتاين و نيوتن سكروا مخهم متل ما بدكم و صاموا و صلوا و ركعوا و جدبوها ليفوتوا على جنة محمد أو شيء نبي بدل ما يفكروا و يحاولوا يفهموا العالم بعيد عن خيالات محمد و بقية الأنبياء , مين كان رح يخترع و يصنع كل شيء عم تستعمليه إنت و جماعتك و كل إنسان اليوم , اشياء ما كان محمد و أصحابه و آل بيته و لا أي نبي أو قديس بيحلم فيه أو خاطر على باله .. كمان بتحكي عن الهزائم , بتعرفي إحسان إنه ما بقي ديكتاتور و لا مستبد ما هزم جماعتك , أولا انهزموا قدام أتاتورك بعدها سحقتهم حكومات القصر في مصر ثم عبد الناصر و بعده مبارك و أخيرا السيسي أما ثورات إخواتك الإسلاميين في سوريا فقد سحقها أول مرة مؤسس النظام النصيري الكافر : الأسد الأب , و بعد ما طلع السوريين يقولوا بدهم حرية و جاؤوا لنصرتنا في بلاد الشام , مو بس انهزموا و هزمونا أمام النظام النصيري و المجوس و الشيعة و كفار آخرين , إحسان ما ضل كافر و مرتد و لا مشرك بالعالم ما إجا لسوريا ليلعن أبو إخوانك و يلعن أبونا بسببهم , يعني بسببكم .. كل هذا و أنتم وكلاء الله الحصريين على الأرض , وكالة حصرية مسجلة .. إحسان اتهمتي كل مين مو من جماعتك بأنهم من قوم لوط و سحرة بدهم يطفوا نور ربكم اللي لا قادر يخليكم تخترعوا شي متل اللي بتخترعوا العقول المتحررة من الأوهام و لا قادر ينصركم على أعدائكم .. إحسان , شو هالتسامح و شو هالإقناع , إنت هيك عم تناقشي و تحاولي تقنعي الناس التانيين ليقبولكم .. الحقيقة الطبع هنا غلب التطبع .. هاد هو التعايش و قبول الآخر متل ما بتشوفوه عن جد .. و غريبة أكثر قصة التطهر عندكن إحسان , إنو تنكروا على اتنين بيحبوا بعض إنهم يمارسوا الجنس بينما بتعطوا أنفسكم حق مضاجعة نساء عم تسبوهن لأن أهلهم عجزوا عن حمايتهم و تضاجعوا بنات بعمر تسعة سنوات .. أخيرا بتعرفي إحسان منيح إنو إخوانك صاروا متل ما عم تقولي تيار سياسي عنده شعبية قوية أبدا مو بسبب معارضتهم للسيسي و لا غيره , لقد صرتوا و اتصورتوا و اتقدمتوا أولا بسبب تقاربكم مع سلطان اسمه السادات و بسبب مال و رعاية النظام السعودي الذي عم تشمتيه اليوم و عم يشتموه جماعتك اللي عاشوا بحضنه لسنوات طويلة قبل ظهور قطر و إردوغان لكنها الدنيا يا إحسان لا تترك حالا على حال ..

مقال إحسان الفقيه المقصود هو
https://www.alquds.co.uk/%d9%84%d9%8a%d8%b3-%d8%af%d9%81%d8%a7%d8%b9%d8%a7%d9%8b-%d8%b9%d9%86-%d8%a7%d9%84%d8%a5%d8%ae%d9%88%d8%a7%d9%86-%d9%84%d9%83%d9%86%d9%87%d9%85-%d9%84%d9%86%d8%a7-%d8%a5%d8%ae%d9%88/

#مازن_كم_الماز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل