اَلْمَغَرْبي دِيمَ فِينْ مَا مْشَ مَغْبُونْ وْ مَحْگورْ / مَنْ كُرُونَ لْ 2220

سعيد الوجاني
كاتب ، محلل سياسي ، شاعر
(Oujjani Said)

الحوار المتمدن-العدد: 6550 - 2020 / 4 / 29 - 13:56
المحور: مواضيع وابحاث سياسية
    

الْمَغْربي ديمَ فينْ مَا مْشَ مَحْگورْ / مَنْ كُرُونَ لْ 2220
خُويَ لْمغْربي فينْ مَا مْشَى
مسْكينْ ، أُو محْگورْ
عايشْ عيشْتْ الدّبّانة في لبْطانة
العامْ اللِّي جَا كتلقاهْ هُوَ هُوَ
في الدْروبْ كيتْسكّعْ ، أو فْراسْ الزّنْقة واقفْ كيْنمْنمْ وَيْبرْگگ
لا عيشَ ، لا هْنا ، لا حياة ، والُو
أو هُوَ دِيمَ أعْلى هاذْ الحال صيف أوشْتَ ، برْدْ أوحَرْ
وَ والله ما عْيَ
تْكَتْباتْ عْليكْ آ الْمَغْربي عِيشَة
واشْ منْ عِيشَة
مَا قدْراتْ تُوصَفْها ريشة
وْ لآ عِيشَة قنْدشَة
عايشْ عيشَة ، واشْ منْ عيشَة
وانْتَ هايَمَ عْلَى وجْهكْ في الدْروبْ بْحالْ رْتِيلاَ
بِأقْدامْ حَافْيَة نْحِيلَة
وْحْياتكْ شَاعْلْة بْلاَ فْتِيلَة
ألزّلْطْ تَابْعكْ كِالْعَلْگة
و يَّامكْ ضايْعَة فَالزّنْقة
بْتُهَمْ ليكْ مْلَفْقَة
فْشَبابكْ واكَلْ الدّقة
بْلادَكْ عَايْقَة وْغَارْقة
فالرْشَاوي و السّرْقة
بْلادكْ بْلادْ الجَمالْ و الجِبالْ
فيها الاسرار والحْبَالْ
الكادح فيها يسْوى رْيالْ
وْفيها كْثْروا الحمَّاقْ وْ الهُبّالْ
وْفيها تْضبْعُوا أجْيالْ
وْعْليها تْسجْنُوا وْتْسلْخُوا أبْطالْ وَرْجالْ
بها يْضَربُوا الْأمثال
فالدّيمقراطية والرْكالْ
فيها الخيْراتْ وْالاحْلام
فيها تْبكْماتْ الأقلام
وْتْسلاَ لكْلامْ
فيها الْجْرادْ بْلا جنْحينْ
وْالحْميرْ بْلاَ وذْنينْ
فيها حُسْنْ الضِّيافة
وْرزْقكْ غادي لَلْحافة
فيها تغْفلْ ما تْفوّرْ
وْكَوّرْ وْعْطِي اللّعْورْ
فيها النهج ، فيها الفدرالية
فيها CDT ، و UMT
فيها التروتسكي ، فيها البرنامج المرحلي
وْفيها حتى الخٌّوتْ وْصْحابْ الانسان
وْفيها الْمُهِمْ المسلسل الزّرْواطي
باشْ كَيْواطِي
فيها الانتخاباتْ ، فيها البرلمان
وْبٌو قَرْفادَة في أمانْ
فيها دُورْ الاحسانْ
وحقووووووق الانسان
فيها مارْكَ إِنْ in مِريكانْ
وْالشْهيواتْ دْ رمْضانْ
أشْكالْ وْ ألْوانْ
وْنْتَ فْحْياتكْ دِيمَ جيعانْ ، وْزادُوكْ
جوعْ وحْشْ كرونا
وْكَيَتْسَنّاكْ مَهْرازْ وْمْطرْقَة 2220
باشْ يْكَمْلواليكْ الدّبْحة
الله ياخُويَ الْمَغْربي مالْ حَالكْ هُوَ هذا
وْالْعَامْ اللِّي جَا وْانْتْ كَتْغَوَّتْ عَاشْ عَاشْ
أُو هُوَ راهْ عَايشْ بيكْ وْلاَ بْلاَ بيكْ
أُو گاعْ مَا مْسَوَّقْ ليكْ وْلاَ عَارْفكْ كَاينْ وْلاَ مَا كَاينْ
شُوفْ أنْتَ كيفْ عَايشْ وْكيفْ حالْتكْ
وَتْكَتْباتْ عْليكْ عِيشَة
مَا قَدْراتْ تُصَفْها رِيشَة
مَا قدْراتْ عْليهَا لَلاّ عيشة قُنْدِشَة ..

#سعيد_الوجاني (هاشتاغ)       Oujjani_Said#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل