الشتا وكثرة الثرثرة!!

ناني واصف
شاعرة وروائية مبتدئة
(Nany Wasif)

الحوار المتمدن-العدد: 6469 - 2020 / 1 / 19 - 10:19
المحور: كتابات ساخرة
    

- نصيحة ليك عزيزي القارئ ، إوعى تخاف من المستقبل ،
خلي المستقبل يخاف منك ، فأنكش شعرك وتوكل على الله وأدخل بصدرك!!

- من حقّك تدخل "تنظّر" عليا ، ومن حقي لا "أنظر" لسخافاتك!!

- زعلان مني ، تعالى وعاتبني طبعاً ، وأنا أوعدك ، هستناك في أحسن كافيه في بنها كلها..

- ان كنتم أخوات اتحاسبوا ، وان كنتم أصحاب إتعاتبوا ،
وإن كنت فريند عندي على الفيسبوك ، فلنا الله كلنا في الليلة دي حضرتك!

- مش فاهمة ايه حكاية ريآكت الـ"هاها" اللي بيتعمل لبوست جد ومفيهوش اي هزار!!
هي حروفي بتلعبلك في صوابع رجلك مثلا؟!!

- المكتوب على الجبين ، ممكن تقراه لو بصيت في المراية طبعاً!!

- إن كان ليك عند الكلب حاجة ، نونوله ، هيجيلك جري..

- قالوا الحب ولّع في الدرة ، ومن ساعتها والفشار سعره في السما..

- كاتش كدر في الألولو ، ايه؟ كمان مرة!!

- المطر بيحلّي شوارعنا ، لدرجة ان من كتر الحلاوة ،
الشوارع بقت شبه الشكولاتة النوتيلا!!

- نصيحتي لأي حد سقعان في الشتا دة ، إتفرّج على فيلم "ثرثرة فوق النيل" ، حيث ان الشتا بيطلب بـ"ثرثرة" كتير..

- الحياة صعبة لدرجة بتتعب نفسيتي ، فنفسيتي اشتكت لي مني ، فمعلشت لنفسيتي مني! وصالحتني عليها!!

- يا داخل بين البصلة وقشرتها ، عينك هتدمّع خد بالك!!

- إقلب القدرة على فُمّها ، هيتقلب الفول منّها بالتأكيد!!

- غريبة اني أدخل أنام ، ألاقي الحلم زحمة ،
يمكن عشان الصايم بيحلم باللحمة ودة تشابه أسماء مش اكتر؟!

- سألتني صديقة عما "يشغلني" طوال الوقت ،
فرديت عليها بأني Waiting حالياً!!

- قالوا زمان إن خير الكلام ما قل ودل ، فقلل كلامك وقول المفيد ،
لكن دلوقتي خيّط الكلام في بعضه وقوله بسرعة ، عشان محدش يفهمك فميردش ، وكأنك أفحمته يعني!!

#ناني_واصف (هاشتاغ)       Nany_Wasif#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل