جاسمية تحتفل على عناد ابو جاسم

مؤيد عبد الستار

الحوار المتمدن-العدد: 5932 - 2018 / 7 / 13 - 21:05
المحور: كتابات ساخرة
    

مشهد تمثيلي
* ايباه .. شنو هالعزيمة .. المن .. كعك وشربت زعفران !
- اتغشم نفسك ابو جويسم .. ما تدري كل سنة اعزم بنات السلف بهيجي يوم
* لا والله ما ادري .. انشاء الله عيد زواجنا
- هاي فوكاها ... ليش عيد زواجنا ينرادله شربت زعفران ! اول شي رجع صندوك العرس الفرهدته وي الانتخابات حتى بعدين نتحاسب.
* يعني قابل عيد ميلادي يرحم والديج !
- لا عيد زواجنا ولا عيد ميلادك ... عيد ميلاد الستين
* بويه يا ستين .. انا بعد ما صرت اربعين سنة ، شنو القصة
- ابو جويسم .. عيد ميلاد الجمهورية الستين
* ها .. هاي هيه .. والله تستاهل .. ليش لا .
- ما طول تستاهل، دروح اشترينه شوية ملبس لان بنات السلف بعد ساعة يلتمن
* بس بروح ابوج جاسمية .. ما كلتيلي .. ها الصحون والاستكانات الجدد منين
- ما تذكرهن .. الصحون مال يدتي اللي ضامتهن من وكت الزعيم، ما تشوف صورته على الصحن جنه كَمر .
*اكول .. بس انتي شخاش بـجـيـسج من هالعزيمة والهوسة ، انت والجمهورية كجا مرحبه .
- شلون انه والجمهورية كجا مرحبة ، مو عمتي جانت مسؤولة الرابطة وعلمتنا قرايه وكتابه ، وابوي حصل على كاع من الاصلاح الزراعي .
* شبقه منها .. كلها راحت ، شحصلنه !
- اي اتذكر ابوي جان دوم يكول : الجمهورية خلـتـنه نحـس إحـنـه اوادم ، اي والله صدك .خلصنا من الظلم وصار عدنه بويت بي ماي وكهرباء .
* والله انا ما شفت خير الا بزمان الفرهود .
- اي .. حقك ، ليش ما تكول بزمان الحواسم ، ماطول شريكك مجلوب السلف ،شلون ما تشوف خير . اكلك صدك جويسم شوكت تجيب النعال التسكام اللي وعدك بيك مجلوب.
* انتي ما تجوزين ، بويه بطلنه ما نريد نعل ، حتى الانتخابات صارت هيونطه وراح يضيع الخيط والعصفور .
- جا ما طول هيج .. دروح جيب الملبس ...وخل نغني للجمهورية ... لا بد ما يجي العيد .

#مؤيد_عبد_الستار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل