ليله فى حب مصر - ماحدث ليلتها .

محمد الشرقاوى

الحوار المتمدن-العدد: 1496 - 2006 / 3 / 21 - 11:26
المحور: اخر الاخبار, المقالات والبيانات
    

حاجه ولا اجمل ولا اروع ولا افضل ولا انيل ولا اخيب من كده ..

هذا هو توصيفى الوحيد لما حدث يوم الخميس والجمعه .. تضامناً مع القضاه والصحفيين ..
ما الذى حدث يوم الخميس وما الذى حدث يوم الجمعه وما هو نوع هذا التضامن او ماهية هذه الاشياء التى تجمع الاروع والافضل والاجمل والانيل والاخيب ..
نبدأ بالتفسير واحده واحده ..
أستجابة لدعوة دكتور يحيى القزاز:
" ليله فى حب مصر – أعتصام فى ميدان التحرير "
بدأنا أننا نحاول نرتب لليوم ده بكل الطرق الممكنه .. أجتمعنا والفضل فى ده يرجع لتبنى الدعوة من قبل نشطاء الكترونيين ومدونيين مصريين جداً " علاء , منال , عمرو غربية , عمرو عزت , مالك , حاولنا اننا نخلى القوى والحركات السياسية تتبنى الدعوة للأعتصام ده فكان الرد كالتالى ..
" أعتصام أيه ده .. اه بتاع د. يحيى القزاز.. لا دى دعوة أفراد واحنا مش هنشارك ".. قيادية فى حركة كفاية .
" ألاعتصام ده خطأ جداً وهيضر بمصلحة قوى التغيير ".. المجموعة الاعلامية لشباب من أجل التغيير .
" أعتصام ايه يا ساده .. الاعتصام ده خطأ كبير .. " عضو جماعة الاخوان وعضو المجموعة الهلامية بشباب من أجل التغيير .
" الاعتصام ده خطأ .. تجربة البيات فى الشارع أثبتت فشلها المطبق .. ومش عايزين نخسر بأننا ننفذها ".. عضو منظمة الاشتراكيين الثوريين ولكنه فى النهاية أيد الدعوة وقال بأن هذا لا يعبر عن موقف المنظمة .
المهم :
أتناقشنا على موقع علاء ومنال .. وبدأنا نحاول نفكر كلنا مع بعض ...
وصلنا لآننا نعمل قعده تحضيرية للأعتصام .. وبالفعل .. أجتمعنا فى دار ميريت للنشر .. لصاحبها الاستاذ/ محد هاشم مديرى فى العمل ..
أجتمعنا يوم الاحد 12/ مارس الساعه السابعه والنصف تقريباً ..
كنا حوالى 8 زاد علينا الاستاذ / جمال عيد مدير الشبكة العبية لحقوق الانسان ..
والاستاذ محمد طعيمة المنسق الاعلامى لحركة كفايه.. وشرفنا بالحضور صاحب الدعوة د. يحيى القزاز واشترك معنا كأى فرد موجود فى المناقشات بلا وصاية و محاولة لفرض الرأى ..
بدأنا المناقشالت حول مكان الاعتصام وكا فيه اجماع انه لازم يكون فى الجنينة .. ودار الحوار بعد ذلك حول ما أذا قام الامن بإغراق الجنينة بالمياه .. فكرنا بسرعه فى بدائل فقررنا بأن من الممكن ان نذهب الى الناحية المقابله او امام مسجد عمر مكرم أو طنتاكى وكده ..
اتفقنا فى الاخر على الجنينة وبدانا نناقش احنا مطلوب مننا ايه..
فكرنا اننا لازم نوفر المواد الدعائية اللى هنخاطب بيها رجل الشارع فقررنا اننا نعمل يفط ولوح عليها صور القضاه وقلنا اننا نعمل بيان يحكى ااحنا هنا ليه والقضاه بيطالبوا بأيه..
وكتبة الزميل عمرو عزت..
واتفقنا كمان نعمل علم مصر كبير يكون ظاهر للناس ولو ممكن نعمل أعلام صغيره يبقى شئ كويس جداً وبالفعل ده تم ..
واتفقنا نتقابل يوم الثلاثاء عشان نبدأ نجهز الحاجات وبصراحة تم استضافتنا فى بيت الامة كما يطلقوا عليه .. أبطال العالم الافتراضى الحر .
وجاء الخميس والساعه السادسة وعشر دقائق نزلنا انا ومالك وعمرو عزت وشيماء من ميريت عشان كنا بنجهز الاعلام الصغيرة وكان سبقنا للآستطلاع وائل عباس ومعاه مش فاكر مين .. تقريباً عمر" اسلامى" من الزقازيق وأيوب ..
نزلنا لقينا الجنينة الجنينة فيها عمال اتنين فاتحين المية بالمحايله من الناس مشيوا وقفلوا الميه بس بعد ما غرقوا جزء كبير منها ..
وقمنا بعدها برفع اللافتات وتعليق علم مصر الكبير واللى عمله " بنيامين" وكان 20 *3 متر يعنى حاجه واضحه جداً .. وكان معانا قطعة قماش خضراء محدش فهم منها انها وشاح القضاه الا انا لانى صاحب الاقتراح وبحسب هنا انى فشلت فى الكتابه عليه ..
لا يحزننى هنا الا فقدى للجاكت واللى كان فيه كل أوراقى وفلوس الاعتصام والموبايل ..
بدأنا تقريباً على الساعه 6:45 فى ترديد هتافات عن القضاه وبعدها قمنا بعمل مسيرات بطول وعرض الميدان وجمعنا الناس وهنا الفضل يرجع لعمنا " كمال خليل" واللى بهر الناس بابتسامته اللى فيها من المرار الكتير وهمه اللى بينطق بسخرية شديدة .
ظللنا هكذا وكان هناك مميز من لجزيرة مباشر مما دفع بالاشاوس ان يأتوا بالبدل الرسمية ليقولوا بأن تطوير اليات النضال ضد النظام قد أخذ شكلاً جديداً وهم أول من عارض هذا الاعتصام بل قد وصل البجاحه لا مؤاخذه يعنى فى قول احدى القيادات .. انا شايفه اننا بنجاحنا النهارده فى تنظيم اليوم ده عملنا حاجه كبيرة قوى ..
وهى نفسها برضه اللى رفضت يوم تنظيم احدى فعاليات كفاية انها تتكلم عن الاعتصام او تشير ليه من قريب أو من بعيد .. وقالت اللى هيبقى مكتوب تحت .. المهم ..
نجح اليوم نجاح فى رأيى نجاح عظيم ومجرد ان اللى يبات فى الميدان أكتر من 150 شخص فده نجاح مدوى وخصواً للمنظمين .. لاننا كنا متوقعين اننا نبقى 30 شخص طول اليوم ..

الاولانية بتكلم عن الشغل بتاعنا الاعتصام والبيات فى الشارع واخلاصنا للفكرة اللى رماها دكتور يحيى القزاز واللى بحق وحقيقى حاجه جمعتنا وخلتنا جميعاً نحاول الوصول لافضل شكل ممكن واللى بعتقد برضه انه اتحقق بالفعل ..

والاروع هو اننا قدرنا نتواصل مع الناس بمختلف ثقافاتها وفئاتها وده بعتقد أن كل الناس شافت ده ..

الافضل هو مبيتنا فى الشارع وتضامننا مع بعضنا عشان اليوم
الانيل موقف كفاية والمجموعه الاعلامية لشباب واللى هى دلوقتى بتقول انها شباب من اجل التغيير والباقيين لا مؤاخذه ..
كفايه رفض تماماً تبنى الاعتصام وقالت عنه انه مجرد دعوة فرد .. هذا كان الموقف الرسمى اما د. هانى عنان فقد قام بدعم اليوم تقريباً وكذلك محمد طعيمة الذى دخل فى صراعات من أجل نشر بر الاعتصام على موقع حركة كفايه .. وجورج اسحق الذى قام بالموافقة على نشر الخبر بعد أن قال ان الموقع متاح للجميع ..
أما المجموعه الهلامية واللى ليا فيها صديقين أعزاء فبعتقد أن موقفهم كان باين جداً بدءاً من محاربة دعوة الاعتصام على منتداهم البالتوكى وبعد كده فى تخويف الناس من فشل الاعتصام وان الاعتصا هيكون خطأ كبير وهكذا ..
ثم ختموها بالمجئ فى الاعتصام وقالوا انه عديم الفائده ولن يقدم ولن يؤخر ..

الاجمل هو اننا جربنا .. ومش بنكر وجود أخطاء انما مكانتش كوارث يعنى .. وبعتقد أن نجاح اليوم غطى على أى سلبيات قابلت اليوم .

اخيب موقف الواد مندوب الاخوان فى كفايه وللى بيستهويه انه يشتمنى وراح قال لعبير العسكرى أحنا اتفقنا ان مفيش هتافات ضد مبارك .. وده قرار شباب لانها هى اللى منظمة وكرر الكلام لفادى اسكندر ..
بس كويس انه مقلهاش انها لو هتفت مش هايردوا وراها عشان هى حرمة ..
وبالفعل د.كريمة الحفناوى محدش كان بيرد عليها .

يبقى التذكير بأن الاعتصام واجهته مشاكل من حضور اعضاء حزب الغد وهم يحملون لافتاتهم وبالفعل هذا لا يليق بدعوة النشطاء المنظمين لليوم بأن يكون اليوم تحت توقيع " مصريون".
وهم سبب فشل الوقفة التى اقامتها قوى التغيير تضامناً مع القضاه بعد أنتهاء وقفة القضاه عندما هتف أحد زعماء الشباب بحزب الغد: يسقط عملاء الحكومة فحول اليوم لتصفية حسابات بين الغد وشرفاء الغد .. مما جعل الجميع ينصرفون والوقفة فى قمة الضعف ..
يبقى أن لأشيد بموقف علاء , منال , عمرو عزت, غربية, يحى مجاهد, ايوب والزميل مالك مصطفى .

انتظركم يوم 16 أبريل بميدان التحرير وأعتصام من أجل صحافة حرة تحمينا من الفساد .

#محمد_الشرقاوى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل