يعنى إيه حرية الفكر و الرأى الإعتقاد ؟

أيمن غالى

الحوار المتمدن-العدد: 5876 - 2018 / 5 / 18 - 00:15
المحور: كتابات ساخرة
    

علشان تعرف و تفهم الموضوع ده كويس لازم تبذل شوية مجهود و تدفع شوية فلوس - مش خسارة - حا تتعلم بيهم ..
تاخد فيزا إنجلترا يا باشا و تنزل دوغرى من أى مَخْرج Terminal من مطار هيثرو, و تركب المترو لمحطة مترو Marble Arch, حاتلاقى نفسك فى بداية شارع أوكسفورد Oxford St., تدى ضهرك لشارع أوكسفورد و تخلى قوس المرمر على شمالك, و تمشى حوالى 300 متر, حا تلاقى بوابة حديقة على إيدك الشمال مكتوب عليها Hyde Park هايدبارك - الدخول ببلاش - أدخل فيها, و إتجه للناحية الشمال ( اليسار ) Turn left, حا تلاقى ناس واقفة بتتكلم فى ميكروفونات و ماسكة لافتات و ناس بتوزع منشورات و كتيبات, أنت كده وصلت لمكان فى حديقة Hyde Park الهايدبارك الضخمة إسمه " رُكن المتحدثين Speakers Corner ", عايز تشتم ف حد, عايز تدعو لدين جديد, عايز تسب الدين لملكة إنجلترا, إللى عايز تقوله قوله براحتك و كله فى حماية بوليس سكوتلاند يارد ..
دى بقى صورة لحرية الإعتقاد و الرأى و حرية الفكر فى بلاد الكفار ..
نسيت أقول لكم إنكم تكونوا ظابطين مواعيدكم على يوم السبت أو الأحد Week end لأن الحفلة دى ما بتبقاش موجودة غير فى الـ Week end علشان الناس دى ما بتفضاش غير فى الوقت ده, علشان دول ناس أصحاب أشغال و ما ينفعش يشتموا أو يهرتلوا فى أوقات الشغل ..
بعد ما تشوف إللى شرحتهولك, ترجع من نفس الطريق و ترجع تانى لمصر و ما تنساش تحط إيدك على بوءك المفتوح من الذهول علشان الناس ما تاخدش بالها, و مش خسارة الفلوس إللى حا تدفعتها ..

#أيمن_غالى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل