الى من رحل دون ضجيج الى اخي الشاعر والروائي (صبري هاشم)

محمد الهاشم

الحوار المتمدن-العدد: 5844 - 2018 / 4 / 13 - 02:32
المحور: الادب والفن
    

الى من رحل دون ضجيج الى صبري هاشم
هلن #
ما ابطل نوح #
حد الموت#
ما دام النفس #
يصعد *
ولا افرح بجيت عيد#
وشيم الروح #
والبس ثوب المورد *
ولا اظحك #
ظحك بطران #
ولا ظحك #
ظحك مسعد *
هلن خل #
دمع العين #
مثل تيزاب #
يچوي الخد *
وجرح صبري#
چبير ويأكل بگلبي #
تراه يفور #
وماظن بالجرح يبرد *
مو هين #
شريچ الروح#
ابو ااصيل #
وعشرة من الزلم ينعد *
ما دنگ وطخ الراس#
وسلم راية البيضة #
طوى الصحراء#
بليل اسود *
هلن #
لو اجاني الليل #
رچيچة رويحتي #
وبسكوت تتنهد *
تبات الليل#
تنوح عليك #
وسكّت بيه #
ما ترد *
ولو سمعت #
حده الحادي #
ولو داخل حسن غرد *
اشگ زيجي #
مثل نسوان #
تلطم عل الوجه#
وزياگه مسرد *
هلن #
لا تخافن #
من تهلن #
ابالچن تعمن#
هلن#
خل دمع العين #
مثل تيزاب #
يچوي الخد *
هلن #
چنه البارحة مدفون #
موصار شكثر وشگد *
ابن امي#
وليلية #
اسولف بيه#
طاح منيدي وتفرهد *
لا هو غرگ بالماي #
ويجيبه الروج #
من يصعد#
ولاهو بسفر ميمون#
سنةوسنتين#
موش ازود *
ابن امي #
وكحل عيني #
وچان الكحلة والمرود *
شلون انسه #
نظر عيني #
الاشوفن بيه#
وخلافه#
النظر يرمد *
علمني الطريق الصح #
وعلمني لعشگ والصد *
الحچي المعسول#
ابو ااصيل #
والمشذب#
وكلام الزين #
بس الراح ما يرد *
وانا ادريبه #
صدگ لوگالوا الوادم #
بس الراح ما يرد *


***محمد الهاشم ***

#محمد_الهاشم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل