خالتي ......وتوم وجيري

عبد الرزاق حرج

الحوار المتمدن-العدد: 1460 - 2006 / 2 / 13 - 08:11
المحور: كتابات ساخرة
    

في زحمت طوابير المواكب الحسينيه عبر الصور المنقوله عن التلفزيون ... كان الشريط التلفزيوني يبث ريحت الدم في ذكرى عاشورا وأطفال بلدي كانوا في السابق يساقون الى طلاع البعث ومدارسها الدكتاتوريه ... اليوم يساقون كخرفان في المسالخ اليوميه ... تجز أجسادهم الناعمه > الزناجيل > وتشق رؤوسهم> القامات > >الحاده ..واللطم يثقل على أجسادهم النحيله.. هاهم سراق الطفوله يعودون من جديد بالمتاجره بهذه الارواح البريئه ...لكن ماهي النتائج ,,,في الاعوام المقبله ... > الله أعلم ....بث بي هذا الهوس الحزين وأقمت في أتصالات عديده عبر الرسائل عن طريق النت والتلفون النقال .. أن أتكلم مع خالتي ... تم على الموعد معها بعد اللحاح في أقناعها من قبل ولدها .. > أصبيح > .. أن تلتقي بي عبر النت ... فعلا كانت ملتزمه في الموعد المحدد معي .. شغلت النت وانا قلق وفرح في اللقاء مع هذه > الانتيكه > .. ظهرت لي عبر الميسنجر في حلتها الجنوبيه .. كان المايك ضاغط على > عصابتها > التراثيه ...بانت لي ضحكتها الحزينه وهي تؤشر لي بكفيها المتعبين في الترحاب مع صوتها الشجي ... قالت .. ها يمه أرزوقي أشلونك .. وأشلون الجو يمكم بالسويد .. ايكولون أهناك يمكم أذب جحيل يمه .... أكلك أرزوقي أمريتك وصلت لو لالا ...جا شوكت توصل و أنت أنكطعت عنا .. مو واعدتني أتسولفلي على عرس الواويه ..أجبت على أسئلتها أولا بالترحاب وعن الجو .... قلت لها ..خاله,, من حجيت وياج ذيج المره .. كالوا لي أصحابي .. ها يابه .. صاير من أصحاب شلش ... قالت لي خالتي .. ولك أرزوقي وشنو هذا شلش .. ومن ياعمام .. قلت لها.. خاله.. هذا شلش من بيت أشميل ,, .. قالت لي ,,, أي والنعم وثلث تنعام هذول خوش زلم وعشيره .. قلت ماعلينا خاله .. سولفيلي .. شكو ماكو .. قالت .. ولك يمه أرزوقي .. شسولف ..أذا هيه > صايره تيسي فيسي > .. قلت لها .. يعني أشلون خاله ..قالت لي ...ولك أنت ماتشوف أخبار لو مالك خلك .. جا يمه .. صرنا مثل المثل الذي أيكول ..> ألاصت يحسين الصافي > ..,, ولك يمه أشو أنتم لصتوها وسويتو سالفه مايلبس عليها ثوب .. .. قلت لها .. خاله هذا وين الحجي .. قالت ولك أرزوقي أتغشم نفسك لو تلعب علينا .. جا أشلون أتنعلون النبي محمد صلعم وفوكاها أمخلين غنبله فوك راسه وخوش راسمينها رسم أيكلك شايبينها توك طركاعه عليكم شايبينها سنتر فوك .. راسه .. ولك أنتم ماتستحون .. .. قلت لها أنتي من كالج هذا الحجي وانتي شايفته هذا الرسم .. ضحكت خالتي .. .. قالت... تهي بهي وهيه تهز أيدها اليمنى .. وقالت ولك يمه أرزوقي جا أنا عميه .. ,, أشو طلع الشارغ والغارب من الناس على سالفتكم .. بس أبني أصبيح .. مثلك أيكول ألي... يابه هذا تخلف .. كلت .. ولك أسمعني .. أصبيح زين .. هاي سوا لفك أعرفها .. أنا أبد ماأتخلفت على زيارة .. أبو عبد ألله وألآئمه المعصومين .. لكن,, وروح والدك .. الي موته العرك .. جنت مهو طيبه مارحت ولاضليت سهرانه بالمحيا بعاشور.. سلامله عليهم ..أيكلي .. أصبيح لالا . أنتي أنشهازيه .. بروح والدك ذاك الكتله العرك .. شنو معني أنشهازيه .. أضن نعله يمه رزاق .. قلت .. لا ,, خاله هذا أصبيح يرطن وياج بالآنكليزي .. ها قالت .. خالتي .. هلكول أربعه وعشرين ساعه أمتحلب على الدفاتر ... بس لو أعرف أمنين .. أيجيب هذه الدفيترات .. جان أرتاح دلالي ..قلت لها ,, خاله والنتيجه .. ضحكت .. خالتي .. قالت شوف يمه أرزوقي .. هذول يمه تره شادين حزمهم عليكم .. ولك يمه وانا خايفه على .. > توم وجيري > .. قلت لها .. خاله .. يا توم وجيري .. قالت ولك هذا الكارتون مال الفروخ .. الي أيشوفونه جهانه قلت لها .. قالت أي يمه .. لان .. مره أنا شفت بعيني الي تاكلها الدود بالفلزيون مال بيت أصبيح .. أشلون الفيره أتعذب العتوي .. قلت لها تقصدين .. البزونه .. أي يمه الزيزينه.... كول بالمنام أتنام الفيره .. > الفأره .>.. جان أجو الملايكه على الفيره وصعدوها بالسمه .. وجرى وياها الحساب من قبل ألله تعالى .. جان أيذبها بالنار .. ويغطسها بجدر قزان حار ,, وانوب ماتركها .. كلساع أتعلكها الملايكه والصوندات تصعد وتنزل على الفيره وكلت خطيه هاي الفيره .. ولك يمه ,,حتى أنا كش كلبي وبجيت على .. الفيره .. .وهسه الحجي بيناتنه .. أيصير شي .. على توم وجيري .. لو .. لا .. تره أنا خايفه ..قلت .. لا يمه هذا كارتون .. معقوله يوصلون الى هذا الحد .. قالت .. يمه أنت شدكول .. راح أضحكك .. تعرف بهل الآيام ,, تفتر الملايات .. على البيوت يقرن على مصيبة > الحسين > .. تدري هذه عاده عدنه أحنا الشيعه .. كول ألتمت النسوان بيت زوجة أصبيح .. وتعرف يبدي النواح والقرايه أتبجي الصخر .. أنا هم طلعت ويه النسوان وكعدت وياهن لان مايصير ,, لان حرام يمه أرزوقي ... كول أجت دورة اللطم .. أحنا العجايز .. نطبك على صفحه .. بس البنات الحديثات بالملعب أيلطمن .. وتعرف كلهن حبايبنا .. جانت الملايه بذاك اليوم .. تقرأ وتكول على أستشهاد .. سيدنا القاسم وأشلون عاف عرسه وراح أيعارج ويه > الحسين > .. سلامله عليه وعلى والدك الي كتله العرك .. بلكي ربك يغفرله برحمته ويعفي عنه ويذبه ولويم باب الجنه .... هذه رحمه من العزيز الجليل .. كول أمين رب العالمين ..يخاله النسوان طاحن وذبنه جتيل على كتلت القاسم وأشلون ترك عرسه .. وأنت تذكر أغريفة .. أصبيح ناصيه والبنكه تلاح للبنادم الطويل .. جا أشلون ذرعان النسوان وهن فاقدات أرواحهن من اللطم .. أنا أجيت وصفيت يم الملايه وشاورتها .. كتلها .. خيه يهل الملايه .. هيه أنا أعرفها بت حجي محمد .. جيرانه .. كول ما أطول عليك الحجي .. كلت الى ألملايه .. ولج خاله خلي أيديربالهن من البنكه .. لا تكسر وحده من ذراعينهن .. صاحت الملايه بأعلى صوتهن .. خايبات ,, البنكه ولجن البنكه .. وهن أنوب زادن وظلن أيصيحن البنكه ,, البنكه .. البنكه .. والملايه أتصيح خايبات البنكه .. وهن يردن وراها بقوه ويلطمن حيل على أسدورهن .. ويصيحن.. البنكه.. البنكه.. البنكه ..كالت بعد شي وكفها .. وانا أضحك وأقول اليها لا .. والله خاله .. بعد محد أيوكفها لا ,, علاوي ولا الحلاوي .. وو دعتها وهي أتكول هم غلبتني هل المره .. لان ما سولفتلي .. على عرس الواويه

#عبد_الرزاق_حرج (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل