عدنان سلمان النصيري
الحوار المتمدن-العدد: 5472 - 2017 / 3 / 26 - 19:33
المحور:
الادب والفن
اسألكم هل المريّه من الرجّال؟ لو الرجّال من المره؟؟
اكيد منكم من يريد يكَــــول :
المريه من الرجال!!!
**
انكَـــــله.. الرجّال ،تره ه
ميحبل ولا يجيب ويربي مثل المره
و لتظن كل نفخة بطن يعني حَــبــَــل
وهنَّ بالرجــّـــــــال تره
بس ، كروووووش مليانه بُطر
ومزمزات ولحم هبر..
ومن هالقشمره
*والرجّال تره ه
ماعنده مثل المره خلكَـــ وصبـــــــر
ولو راد ينام يگول سكتوووو الزغيّر
وخلوني نايم للظهـــــــر
*ولـو مـــا المره
چان الرجّال ..صار بطرگ النفخ ْ ..
جـَوّه الجِدر ْ
و اللحم بالزاد تره ه.. مايستوي ..
بليه نار موجره
* ولو مـــــا المره
يبقى الرجّال فارغ بلى گلُب ..
وبطرگ الگشرْ
بس شواربه اللي إتْعـَـــــبُــره
* ولـــــــو ما المره
چان الرجّال .. مثل قالـــب ثلج..
يســـــــيـــــــح جَـوه الشمس
تبلعه الگاع ..
ولا من شافه .. ولا من بيه دره
#عدنان_سلمان_النصيري (هاشتاغ)
كيف تدعم-ين الحوار المتمدن واليسار والعلمانية
على الانترنت؟