عادل عياد
الحوار المتمدن-العدد: 5093 - 2016 / 3 / 4 - 21:31
المحور:
الادب والفن
إزاي تِغسِّل أحلامك بإديك
وتكفنها بكفن شديد
يتشد بشراسه
فيخنق فيك
يتهد وجودك
وتصبح زي القماش الدايب
اللي نهشه الزمان
تنهار ..
والريح تخطف فيك
متسبشي منك غير الخوف من بكره
فتكره اليوم اللي يعدي عليك
..
إزاي تحشر روحك في صندوق خشب
نعش تقدمه هديه لنفسك
فتخلي للموت سبب !
هروبك من الواقع
بيعبر عن حالة يأس دبت فيك
فتدفن نفسك بين الحجاره
وتقفل عليك الباب الحديد
وتفضل تقتل في روحك
تنفض التراب عن بقاياك
فتكتشف إن عضمك غطى المكان
ومن وحدته غضب
والباقي منك كان
مغصوب على التوهان
في عالم غريب .. غريب .. غريب !!!
والحطب اللي قاد سفينتك زمان
كان هو سبب الغرق
فاياك تقول إنك مكنتش وهم
وإن حياتك
مكنش مليها التعب ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟