الى نظفر النواب

أسماء الرومي

الحوار المتمدن-العدد: 5090 - 2016 / 3 / 1 - 03:05
المحور: الادب والفن
    

الريل وحمد راحوا لبعيد
ومظفر بعده ما شاف عيد
تتذكَر يا مظفر يوم اباب سجن البصرة وكفت
كلتْ اليوم الصدر بيَ ضاك
وآنا اليوم أشتاك نِسمه من هوى بغداد
يمظفر شتكول الروح اليوم
لو شهكتْ بآخِر نفس
وبعيون الدمع دارتْ الدروب
جا وهالكثِر صارن بعاد ؟
لا يا مظفر
مظفر الشَد ضِلعه
ويه ضلع ابن فلسطين
وصاح آخ شكد يوجع ضلِعنا
آخ وجم آخ يمظفر الكِطعتْ بينا
أدري الكِطع مو بينا
وأدري هو مو بأهالينا
يمظفر هو الدهر غدار
هو الوكِتْ اللي عليك
وعليه دار
ـ وجا وين أودي الروح لو حن دليلي ـ
مظفر وبعدهي الروح
لِسه بحضن نخله
ولو هبّتْ نِسمه
الروح دمعه ويه الشواطي تلوح
آه يا زين النخل كلها دروبنا
صارن ابعاد ؟
شو هلوصلوا للكمر
وبإيديهم لاحوا النجم
بس دروبنا احنا بعاد ؟
لا يمظفر دروبنا ما بعد بيهه ظِنّّه
تبجي جفوفه جدي ويه المجداف
وعيونه تِربي
يرومي وحشه وخِليَّه الدار
ودروب أهلنه ما بعد بيهه ظِنَّه
لا يمظفر مو بس الجابته أمك هو خيَّك
وابن الأردن أحن من الأخو
وهلواكف يمَّك
ياه يلما حن علينه بجف تراب
كتبت 29 ـ 2 ـ 2016
في ستوكهولم
ـ وجا وين أودي الروح لو حن دليلي ـ
هي بسته من أغنيه عمارتليه من الجنوب

#أسماء_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل