( حرامية الخضرة ) / قصيدة شعبيه / ( الخضره ) أعني بها الخضراء

حامد كعيد الجبوري

الحوار المتمدن-العدد: 5083 - 2016 / 2 / 23 - 00:06
المحور: الادب والفن
    

القصيدة التي ألقيتها بساحة الحرية في تظاهرة بابل عصر الجمعة 19 شباط 2016 م
شلع كلكم شلع صم خيسه ما تسوون
صدام القذر قندرته تسواكم
سواد وجوهكم بيض وجه طاغوت
وسوده وجوهكم يوم انتخبناكم
ما منتخب منكم كل قزم والله
الشريف أبن الوطن ميصير وياكم
جنتوا املطلطين وخدم هذا وذاك
وقبلناكم مضض سم وجرعناكم
بياعة سبح وحروز والدعيات
فتاحة الفال الجذب سواكم
شهادتكم ختم فسفوره والتوقيع
سوك مريدي شاهد دكتره أنطاكم
بسجلات الشرف دققنه بالأسماء
ما ألكم أسم بالذله نلكاكم
تسولف عالنزاهة وطبعك التزوير
وصناديق أنتخاب الغشها خلاكم
خذلتو للشعب بالواحد وتسعين
وعفتوا للشعب مذبوح يفداكم
أسيادك تفضحك شاهدي التاريخ
وﻻ-;- محتل ينفعك نعرف إدواكم
بري منكم عمر وحسين والعباس
وخجل منكم محمد عار سماكم
عكارب للعكارب بس علاج يفيد
تحت رجل الشعب يسحك بلاياكم
حرامية الخضره حسابكم معروف
مثل صدام حفرة وعفنه تتناكم
**
قسمتو الوطن نصين للإرهاب
ونص ألكم غنيمه وبوك جازاكم
ولدكم عالغواني أفترت البلدان
ولد الخايبه بكبوره علاكم
بعتو للعراق الناس والتاريخ
المحتل يشتري ودولار راواكم
وأنطاكم كراسي وسلطك عالناس
عبيد الأجنبي الخدام تسواكم
واحدكم فده للسرسريه يروح
وحتى السرسري متشرفه طرواكم
غلطان الشعب ويطالب بإصلاح
بعتونه برخص غلطه وشريناكم
تخاف من الشعب وتريد تبني السور
أبغداد وتظن السور حاماكم
ما يرجع الحك الماوراه طلاب
وإزلام الوطن تاريخه ينخاكم
بعد مكوار جدي ورايته وشعلان
وجيفاره الشعب ثارات تتناكم
من البير نطلع والعراق بخير
مثل يوسف شعبنه يصيح بشراكم
بساحات التظاهر ساحة التحرير
الشمس باجر تهل جيفه وكنسناكم
**

#حامد_كعيد_الجبوري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل