ما اريد

محمد الذهبي

الحوار المتمدن-العدد: 4924 - 2015 / 9 / 13 - 22:14
المحور: الادب والفن
    

ما اريد اوكع على التنور هسه
هسه خبز الليل بارد
وين اهلنه من الصبح راحوا بعيد
وماخذوا غبشة فخاتي ابليل جامد
×××
ومانريد انحط على البيبان رزّهْ
محلهْ بيبان العشك مفتوحه وتعاند قفلها
محله بيبان العشك لمن تعاندْ
×××
ومانريد انحط على الشباج بردهْ
خاف المعاتب يطول
ومايصح شباج شاهد
×××
ومانريد ومانريد ومانريد
مانريد ايبوكنه الناطور غفله
ولانريد العين تعمه من المراود
×××
آخ ياجرح الشماته اشكد غميج
وآخ ياريحة قطار البارحه من ابعيد توصل
وجنّه نسألها عليك وعلجديد
لاجن السجه والمصوفر وجهها
فاركت جدمك مسحناها بكواغدْ
×××
جنّه ليل ابمكبره وكلش بعيدهْ
وكبر مايندل كبر بيها غريبه اكبور اهلنه
اهناك بس الليل حارس علمشاهدْ
×××
تذكر اغروب السبت بينه اشيسوي
جان عطلتنه السبت
نوكف على الحايط نعاين من بعيد
وذاك عظم الضاع منك
ظلمه مابيها ضوه ومحد يساعدْ
×××
هسه انته ابعيد بعد الليل ذاك
مدري مرت جم سنه مابيه اعدهن
وآنه اركض والوكت من عدي شاردْ

#محمد_الذهبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل