النظرة التي سرقت قلبي ..

محمد السعيد أبوسالم
(Mohamed Elsaied Abosalem)

الحوار المتمدن-العدد: 4861 - 2015 / 7 / 9 - 19:05
المحور: الادب والفن
    

النظرة التي سرقت قلبي ..

أنا مش مغرور
ولا حتى اناني
أنا عاوز فرصه وتلقاني
مش ممكن تعجبها دماغي
مش ممكن صوتي يسرقها
من حزن في أيامها بيوجعها
أو مثلاً يعنى
مش ممكن تهواني ؟.

أنا عاوز فرصة حقيقيه
مش كلام في دنيا افتراضيه
انا عاوز نبعد عن بوح الزراير
وإنتظار تنبية بالرد
لحضن النيل وريحة القهوه
ورقص الليل مع أول لمسة
وماسكة إيد تقتل بدفاها البرد,

شوفتك في الشارع بتعدي
قلبي طار من ضلوعي وعدالك
وفى ديل فستانك إتعلق
وحلف ما هيرجع تاني,

من يومها والحاله جنون
بلف وأدور وأسأل عنك
وأنادي وأقول
"طيف يا ناس وخطفني
مش عارف إسمه ولا يعرفني
عدى عليا ساعة عصاري
من لحظتها وأنا رايح جاي
من بلد لبلد وفى كل حاره وحي
بسأل عنها كل حي
يمكن عليها حد يدل
اللي يعرفها يبلغها بحبي
وانى قالب عليها السما والارض
وفناجين القهوه
وخطوط الكف
وبلورة العرافه
وكلام الودع والرمل"

ريحة شعرك سكناني
بتجدد كل أنفاسي
نظرة عينك سرقاني
وضحكتك ماليه كياني
أنا مش عاوز غيرك أحبه
مش عاوز غيرك يا ملاكي,

انا مش مغرور
ولا حتى اناني
انا عاشق من النظره الاولى
واسطورة حبي مجنونه
بزرع الأمل في شقوق الأحزان
وأحصد يأس يغزل في الآلام
لكن برده بجرب وهجرب تاني
يمكن مره البذره تعافر
وتزهر بلقاكي
وساعتها نتشارك خطوينا
فتفرح بالحب عيونا
ونلون بالنبض دروبنا
وتزور الأعياد أيامنا
وتزين الكون حوالينا,

انا مش مغرور
ولا حتى اناني
أنا حبيتك
ومستحيل أبداً أنساكي .....

#محمد_السعيد_أبوسالم (هاشتاغ)       Mohamed_Elsaied_Abosalem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل