ثورة التلاميذ ..

محمد السعيد أبوسالم
(Mohamed Elsaied Abosalem)

الحوار المتمدن-العدد: 4648 - 2014 / 11 / 30 - 20:04
المحور: الادب والفن
    

رجعوا التلامذه للثوره تاني
رجعوا التلامذه يا سيسي تاني
وإبقى قابلني لو سكتوا تانى
فى كل شارع وفى كل حاره
شايلن هموم جموع غلبانه
وعيون بهم الرغيف غرقانه
رجعوا التلامذه للثورة تاني،
طلعوا التلامذه ورد الجناين
خرجوا التلامذه من كل همزه
يصحوا الشعب اللى نايم
طلوا التلامذه بالصبح اللى غايب
قطف زمايلهم رصاص الأعادي
بعد مرمطه بين محاكم وقواضي
خرج بزفه وبكل خسه
وع القصر راجع بهيصه وزيطه
والورد اللى مات ديته رخيصه،
بلغ يا صحفي فى كل جريده
الريس هيدفع لأهله بريزه
واحلى هريسه وطعميه ظريفه
وينسوا المحاكم والقضيه،
رفضوا التلامذه الرخص تاني
والعدل اللى مال بالمال لكفة الجاني
وخرجوا من طلعت والجيزه
يهتفوا يسقط الحاكم ابو بريزه
تسقط الدبوره والبياده
وتسقط الدقن العيره وروب العداله
الحق راجعلنا
ولو قطفوا من وسطنا
مليون من الورد تاني
رجعوا التلامذه للثوره تاني
رجعوا التلامذه يا سيسي تاني
وإبقى قابلني لو سكتوا تانى
رجعوا التلامذه ...

#محمد_السعيد_أبوسالم (هاشتاغ)       Mohamed_Elsaied_Abosalem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل