شغشغي لافام....فتش عن المرأه

جان نصار

الحوار المتمدن-العدد: 4791 - 2015 / 4 / 29 - 21:20
المحور: كتابات ساخرة
    

شغشغى لافام ...فتش عن المرأه
اعتذر من القراء فانا ثقافتي فرنسيه وكان صعب علي اتذكر شو بقولوها هاي بالعربي فتش عن المرأه لاهيك كتبتها بالفرنسي وبعدين ترجمتها بغوغل مخي للعربي فبردون والعفو منكم يا اعزائي.
مش عارف شو القصه هالايام في موقعنا الاثير الحوار المتدن الكل بكتب عن المرأه ومواضيع مساواتها وحقوقها واجورها وعملها وتعليمها وزواجها وطلاقها و و و .ما خلو موضوع بخصوص النسوان الا وطرح.صرت مفكر حالي بقراء بكلام نواعم او موقع النسوان يا فهمان. ليش؟.. بس عشان الاول من ايار او بداية فصل الربيع او ان اسهم النسوان ولعت بالبورصه او انه موسمهم وانا مش عارف ممكن واحد يشرحلي شو القصه وليش معجوقين على النسوان.
شوفوا يا جماعه انا مع تحرر المرأه ومساواتها وكمان انا نصير للنسوان من زمان,بس كل هاي الكتابات جايبي نتيجه والا على الفاضي.اكثر من نص الرجال اللي بكتبوا عن النسوان مش مقتنعين باللي بكتبوه او انهم بكتبوه مفاخره ومحالاه يعني فشخره وفذلكه معظمهم دكتاتورين ومستبدين ببيوتهم .بكتبواعن رفض الحجاب ونسوانهم محجبين حتى لو كانوا مش متدينين بتعرفوا ليش.لان رغم علمهم وادعائهم بالثقافه والتحرر غيورين وشكاكين وعندهم حب التملك والقول مش اد الفعل من منطلق اسمعوا اقوالهم ولا تفعلوا افعالهم. وقال بجوا يقنوعونا والله ياعمي هي لحالها المرا تحجبت وما غصبتها .
اول كلمه بقولها الواحد فيهم لمرتوا على الطلاق بالتلاتي اذا طلعتي على الشارع سافره لأسفرك عند دار اهلك.
بقولولك احنا مع تعليم المرأه واكبر نسبة اميه بالعالم هو عند نسوانا.
تلات ترباع نسوانا جوزوهم وبعدهم تحت السن القانوني لان الاب يهدد ابنته بعلي الطلاق من امك اذا ما تزوجتي فلان غير امك تكون طالقه بالتلاتي .واول على اخر راح اكسر رجلك اذا قلتي لاء. والمرا ما الها الا جوزها وبلا تعليم بلا بطيخ , يعني ثقافي مجتمع اشي كتير دلوكس.

في مجلس هيئة الامم بتصرح الممثله العالميه انجولينا جولي انه هناك اهمال في ما يتعرض له اللاجئين السورين في المنافي وخصوصا النساء والاطفال وان المجتمع الدولي متقاعس ومهمل ومقصر ومتناسي ومطقع لهولاء النساء والاطفال وانها ذهبت لزيارتهم حوالي 11 مره وقدمت لهم الكثير من المساعدات وهذا قطعا لا يكفي .
جولي محروق دمها ومولعه ومتأثره ومتضامنه مع النساء والاطفال السورين وبتخطب بين ممثلين الدول وبطالب بالاسرع لحل ازمة المشردين والا جئين والنساء والاطفال.
وممثل سوريا في مجلس هيئة الامم بشار جعفري بسئلوا شو رايك بكلام انجولينا جولي بجاوب انها جميله.
تفضلوا واسمعوا جواب الاخ بقولك الست حلوي وبتفك عن حبل المشنقه .
نص رجالنا عقلهم وتفكيرهم بالقسم التحتاني من اجسامهم والباقي منظره.معظم رجال الاعمال عندنا للمساعده في القضاء على البطاله بين النساء يبحثون عن سكريترات جميلات ومن المستحسن ان تكون ملابسها غير محتشمه لزيادة الانتاج.
المصانع تبحث عن ايدي عمل رخيصه ومنتجه واكيد النسوان هم افضل ما يقوم بهذه الاشغال.
معقول يكون هاد جواب المسؤول اكيد الاخ مسطول او مخبول لازم يقعدوا على الخازوق على طول ويبصق عليه المعلوم والمجهول .لا اعتقد اننا سنصاب بالذهول لان هيك تصرفات خلال السنين كانت تلاقي القبول.

خبر تناقلته الانباء المصريه القبض على فنانه مغموره تمارس الدعاره في احد فنادق القاهره.
بصراحه اللي عقدني ان الذين قبضوا عليها مجموعه كبيره من المسؤولين وسجل عندك عزيزي القارئ.
المحكمه كانت على السريع برأسة المستشار ف.ع ورئيس المحكمه ط.و بحبس المتهمه
اشترك بالقبض على المتهمه اللواء ع.سلامه رئيس الشرطه السياحيه واللواء فلان رئيس شرطة الاداب والعميد علان ايضا من الاداب والركن فلان والمقدم والرائد وكمان لواء يعني على الاقل شي 10 مسؤولين بيضات كبار ومباحث وشرطه. لو كل واحد من هؤلاء المسؤولين لازمه بين 5 الى 7 نفر وشرطي يعني المسكينه هاي المتهمه بالدعاره جندولها اكثر من 100 عنصر امني من اعلى المستويات لاوطاها.
يعني هلئ الامن كله مستتب بالقاهره مفش ارهاب ولا سرقه ولا مخدرات ولا تحرش وقتل ولا ولا ولا الاهاي اللي كان لازمها كل هالقوه الامنيه.
طب سؤال ..شو اللي وصلها لهلمخلوقه للدعاره ووشو كان عقاب الخليجي اللي دفع 1000 جينه لقاء هاي الخدمه غير الله معك ومتعملهاش مره تاني.
مع الاسف السائح الاجنبي يزور مصر للاستمتاع بالاثارات والاماكن السياحيه والسائح الخلجيي للانبساط والدلع والدعاره بوصل الفندق واول شئ بشوف قواد بقولو ابغي واحده حلوه اتونس واياها.
او عدد كبير من الخليجين بتزوجوا من مصريات زواج متعه ومصلحه وبصير شري مري على مصر علشان البزنس هيك بفهم نسوانه الاربعه في بلده.
شايفين قديش النسوان عنا مكرمين.
الوحدي بتفوت على المطبخ وهي عمرها 16 وبطلع منه لما يصير عمرها 60 سنه.
بنبطح على السرير بعمر الطفوله وبتقوم بالخمسين لما بتبطل تفريخ الاولاد ومع انتهاء الخدمه.
اللي قصدته من الموضوع ان على المرأه ان تعي ان مجتمعاتنا هي مجتمعات ذئاب لا ترحم ولهيك ما الكم يا نسوان الا العلم والعلم والعلم ورفض سياسة الوصايه.خدوا زمام المباده ولا تستنوا الرجال تاينصفوكم .

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل