أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الارهاب, الحرب والسلام - وليم نصار - قصقص ورق (2)














المزيد.....

قصقص ورق (2)


وليم نصار
مؤلف موسيقي ومغني سياسي

(William Nassar)


الحوار المتمدن-العدد: 4654 - 2014 / 12 / 6 - 22:49
المحور: الارهاب, الحرب والسلام
    


د. وليم نصار*

( أول ورقة – 6 كانون أول)
المعلّم كمال جنبلاط ...
الايد الأطفت جسمك تيبس ..
منعملّك نواطير تا نحمي هالعنب ... ومنوقفلك طوابير لعيونك يا دهب ..
****
(تاني ورقة)
بتعرفو ليش لازم نحب؟
لانو الحب .. بعلمنا كيف نحب كل الناس !! ...
ولانو بسبب حبنا للناس ... بتخبينا بقلوبا كل الناس !!
ولأنو الحب ... أقوى من النفوس السودا والحقد ...
ولأنو الحب .. بيبني ... واللؤم بيهدم ..
حبو بعضكن ..
****
( تالت ورقة)
بكرا .. بس إطلع لفوق عند صاحبنا ... أول شغلة رح بعملا إني فتش على البنت البحبا ...
رح بوعدا بالليلة الرح نكون فيا سوا على جناح غيمة بيضا بالتالي:
بوعدك .. إني كون حاضرك ومستقبلك .. وآخد الشوب والمرض والبرد والحزن عنك ... وكون عكازتك بس تكبري .. وكون المي الباردة إزا ربنا بعتك عجهنم ..
ويمكن جرب إقتل الله كرمال يبعتني لعندك عجهنم ..
بوعدك ... إني كون غطاكي .. والمغارة البتتخبي فيا وقت بتخافي ...
وبوعدك .. إني ضلني مشتئلك .. ومشتاء لصوتك ... وريحة كفوفك .. حتى وإنتي قاعدة حدي ولازقة فيي.
وبوعدك ... إني كون جوزك وخيك وبيك وإمك وحبيبك وصاحبك ورفيقك ..
إلى أبد الآبدين ..
***
(رابع ورقة)
مش مهم تحط على صفحتك الفايسبوكية صور ملونة ..
الأهم إنو روحك من جوا .. تكون مليانة ألوان ...
***
( خامس ورقة)
نحنا وزغار كانو يخبرونا ... ازا كزب صبي بموت عصفور ..
وازا كزبت بنت بتموت زهرة ...
يمكن كرمال هيك ما شفت عصافير وزهور بفلسطين.
***
(سادس ورقة)
- حوار قصير بين خطيبة رفيقي ورفيقي..

هي: إخواتي مش قصدن شي ... بس حابين يتطمنو عمستقبل إختن..
هو: أديش بدن مصاري؟
هي: لا لا مش هيك ...
هو: أش في معنى تاني لهالحكي؟
هي: صمت .....
*****
(سابع ورقة)
مهما كان مشغول .... اللي بيهمو أمرك رح يلاقي وقت يقضيه معك .... يسأل عنك ...
اليحبك بصدق ما بيتركك لحظة ....ولو كان في مليون سبب وسبب يبعدو عنك .... رح يخلق سبب واحد ليبقى حدك ويتمسك فيك
جربو تعرفوا مين بيحبكن بصدق
*****
(تامن ورقة)
الجبنا بس ما بآمنو بالحب , لانو الحب معركة ... والمعارك ما يخوضا الجبنا .
*****
(تاسع ورقة)
لمن شمس بشري تطلع من ورا الجبل .. وتغمز بعينا طراف بترومين .. بتكون عم تقول لزهر اللوز .. لا تزهّر يا لوز … معاش في حدا ناطر مهرة بيضا … رح بتجي عجناح غيمة .
المهرة حنّت لحضن بغل هجين...
******
(عاشر ورقة)
مفيك تطير بجانح مكسور .. ومش رح فيك تغني بصوت مبحوح .. ومش رح فيك تغفر وإنت مصلوب..
والصلبك مراية جلغما كل مين حكي معا ... وبرم ضهرو ومشي ...
المراية .. غلط كبير يمسكا ميكانيكي لانو ايديه وسخين .. ورح بوسخا .. ولا إعلامي لانو رح يعتبرا خبطة صحفية ... ولا واحد عيلتو رشة رز عالاسرائيلي بس فات علبنان وهلا عامل ممانع ..

كرمال تطير فوق الغيمات ... لازم تفضي روحك من اللؤم المعشش فيا ...
*****
(الورقة 11)
ما بحب زيت الزيتون .. وما بحب الصابون النابلسي .. وما بحب بلح أريحا .. وبكره الحشائش المعطرة البتنحط بالبانيو .. وخصوصا الريحتا بيلسان ولافاندر ..
ما بطيق ريحة عمال الميكانيك .. وبكره إعلاميي الفضائيات المركبين قرون وما بيحكو غير عن المباديء والشرف.
بكره البنطلونات الآشطة ... وبكره الحبق والزعتر الأخضر .. وبكره بحر حيفا..
بس رح ضلني حبك ... وحب إمي ..
*****
( الورقة 12)
الحب متل الوطن .. أد ما حبيتو بضلو يخونك ويآزيك ....
بس أبتقدرش غير تضل تحبو ..
*****
(الورقة رقم النحس)
جيت عالدني بنفس ليلة ميلاد الرفيق يسوع ...
صرت أنا وهوي رفقات مع إنو بيكبرني ب 1966 سنة.

من وقت صار عمري 13 سنة ... كان كل سنة إسهر أنا وهوي نحتفل بعيد ميلادي ...
هوي يحكيلي قصص عن الناس الحلوين ... وأنا إسمعلو ...
بس ولا مرة جبلي هدية ...

من تلات سنين .. عطيني هدية .. حميتا بروحي وعقلي وكل مسامة فيي.. وصرت احتفل بعيد ميلادي أنا وهوي وهديتو ...
السنة .. خبرني إنو الشيطان انتصر عليه .. ورح بحتفل بعيد ميلادي أنا وهديتو بس ... من دون ما يكون هوي معنا ..

عم فتش على هديتو مش عبلاقيا ..
حدا بيعرف إزا الشيطان سرقا؟
هالسنة رح بحتفل بعيد الميلاد بدون شجرة .. وبدون هدية ..
مشتاء للبيت .. ومشتاء لسيارتي إبرم فيا عالبيوت والشوارع المزينة ...
بس أكتر شي .. مشتاء لكلمة إمنا العدرا "تعال" ..
بحبكن ..
-----------------
د. وليم نصار (مؤلف موسيقي ومغني سياسي - أكاديمي وناشط شيوعي)
عين مؤخرا مفوضا للجامعة الثقافية اللبنانية حول العالم















قناة الحوار المتمدن على اليوتيوب
واقع ومستقبل اليسار العالمي والعربي حوار مع المفكر الماركسي الفلسطيني غازي الصوراني
حول آفاق ومكانة اليسار ، حوار مع الرفيق تاج السر عثمان عضو المكتب السياسي - الحزب الشيوعي السوداني


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)

الكاتب-ة لايسمح بالتعليق على هذا الموضوع


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- قصقص ورق
- لوكيميات الرحيل الشيوعي
- لوكيميات ما قبل العشاء الأخير
- لوكيميات
- ... بحبكن ...
- وصيتي ... ووداعا
- عصفور الشمس
- إسق العطاش
- أرض الحكايات
- في أرض الحكايات
- رسالة قصيرة جدا إلى تجار الممانعة ومكافحة التطبيع مع العدو
- نكزة سريعة على هامش الحراك النقابي المطلبي في بيروت
- رئاسيات لبنانية
- أكونا ماتاتا
- نعم أنا ضد
- مجرّد أسئلة
- أمي ليلي شاهين
- رسالة إلى الموارنة... إذا شئنا أن نكون نصارى
- لن ألبس الخسة مرة أخرى
- صلاة ذاك الطفل في داخلي


المزيد.....




- التاريخ البديل: ماذا لو لم يلتق الأمير فيليب الملكة إليزابيث ...
- انقلاب ميانمار: مقتل العشرات في حملة عسكرية في باغو
- الشرطة الأمريكية تعتقل أم بتهمة قتل أطفالها الثلاثة طعنا
- كم مرة يجب أن تغسل وجهك في اليوم؟
- موسكو تحرك سفنًا حربية إلى المحيط الأطلسي.. الرئيس الأوكراني ...
- من هو المعارض الروسي الذي قُتل خنقًا في لندن؟
- التحالف العربي: تدمير طائرة بدون طيار مفخخة أطلقتها -أنصار ا ...
- شارك في الدفاع عن صدام حسين.. وفاة وزير العدل الأميركي الأسب ...
- زلزال شدته 4.5 درجة يضرب سواحل اليونان
- رئيس جيبوتي إسماعيل عمر جيلي يفوز بولاية خامسة


المزيد.....

- الانتحاريون ..او كلاب النار ...المتوهمون بجنة لم يحصلوا عليه ... / عباس عبود سالم
- البيئة الفكرية الحاضنة للتطرّف والإرهاب ودور الجامعات في الت ... / عبد الحسين شعبان
- المعلومات التفصيلية ل850 ارهابي من ارهابيي الدول العربية / خالد الخالدي
- إشكالية العلاقة بين الدين والعنف / محمد عمارة تقي الدين
- سيناء حيث أنا . سنوات التيه / أشرف العناني
- الجدلية الاجتماعية لممارسة العنف المسلح والإرهاب بالتطبيق عل ... / محمد عبد الشفيع عيسى
- الأمر بالمعروف و النهي عن المنكرأوالمقولة التي تأدلجت لتصير ... / محمد الحنفي
- عالم داعش خفايا واسرار / ياسر جاسم قاسم
- افغانستان الحقيقة و المستقبل / عبدالستار طويلة
- تقديرات أولية لخسائر بحزاني وبعشيقة على يد الدواعش / صباح كنجي


المزيد.....
الصفحة الرئيسية - الارهاب, الحرب والسلام - وليم نصار - قصقص ورق (2)