واه يا بوي مجاهد

مصطفى يوسف عبد العزيز

الحوار المتمدن-العدد: 4519 - 2014 / 7 / 21 - 01:06
المحور: الادب والفن
    

واه يا بوي مجاهد
ياللي في الدنيا زاهد
وبترعى الارضيات

ازيك يا بوي
وازي امي واخوي
واخواتي البنات

انت عاوز الصحيح
انا مش مليح
وتعبت من السكات

وزمايلي مش طيبين
زمايلي شهدا ومجروحين
وكل ساعة
عندنا ممات

من يوم مجيت الجيش
وكل يوم نعوش
زي منكون في حرب
حرب
والعدو كلب
خسيس مالو أمان

يضرب من بعيد
عمرو ميواجه البعيد
ديب جباان

والمصيبة يابوي
انه مش بعيد
و فيهم عيال من الصعيد
من اسكندرية لاسوان

قلي يا بوي دول مين؟
مننا من نفس الطين ؟
ولا الحزانه دول
نبت شيطان

بيعرفوا ربنا؟
ليهم قلب زينا ؟
فلوبهم حجر صوان

انا مش خايف
وانت اكيد عارف
بس صعبان عليا
اني ملناش ديه

حاسس يا بوي بمراري
هتحس بيه اكتر
لما متعرفش تاخد بتاري
وتخسر القضية

اااااااااااااااااااااه يا حج مجاهد
بعتني احمي الحدود
و اجاهد
وهرجعلك ف صندوق
وجنازة عسكرية

هيكون يوم عيد
مش دا كلامك ليا
لو رجعت شهيد
او جمعتنا تاني الطبليه

متزعلش عاد
ولدك هيفدي البلاد
وانت اللي علمتنا
المجدعة و
الرجوليه

وفي الختام ليك مني السلام
انت وكل الحبايب وبرج الحمام
ابنك الشهيد عبد الودود
جندي مجند عالحدود
مات شهيد ف حب
بهية

#مصطفى_يوسف_عبد_العزيز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل