هلوسة مشجع

مصطفى يوسف عبد العزيز

الحوار المتمدن-العدد: 3626 - 2012 / 2 / 2 - 21:14
المحور: الادب والفن
    

مش عايز اسمع الكلام الخايب

بورسعيد بتكره الاهلي

وتعصب جماهير

ومشكلة ف ماتش كورة


بص كويس وركز ف الصورة

فكر وحلل

ايوه كلامك دا صحيح

دي مؤامرة

مدبرةو مقصودة


ايوه بقصد الكلب المخلوع ومراته والمشير

والله ياعالم واضحة زي الشمس

مش محتاجة فهلوه

اصلها مش فزورة


دول عالم ولاد سافلة

عشان مصالحهم يعملوا اي حاجة

الشعب والبلد يدوب عندهم سبوبة


مش مهم عندهم

دمي ودمك يسيل

مش مهم 2000 مصاب ولا 80 قتيل


مش مهم متلاقيش بنزين ولا سولار

مش مهم حالة الفوضى والدمار


وعادي لما هو ياخد ملايين

وانا مش لاقي تمن الانبوبة


مش مهم اننا نموت م الجوع

ونتغطى بالبرد ف عز الشتا

مش مهم ان عيالك نسيو طعم اللحمة

او يتهركوا في الاتوبيس من الزحمة

المهم عيالهم يلبسوا على الموضة


وعادي لما منلقيش الرغيف

او عشر اسر يسكنوا خيمة او رصيف

فيها ايه لمل ابنك يشتغل صبي

بعد المدرسة

ولا بنت تشتغل في مول وهي مهندسة

او حتى نطلعهم من المدارس وتقول للتعليم توبة


فيها ايه لما تنسحل بنتك في الشارع

ويداس بالجزمة امام الجامع

فيها ايه لما تتعرى مصر قدام العالم

اهم حاجة تعيش مستورة سوزان هانم

وملعون ابوك على ابوي على سنينا السودة


واوع تخدعك دموع ولاد المستفيدة

والمصلحجية

ماهي برامجهم شغاله ولعة

اتصالات

واعلانات

ملايين ياعم دخلالهم

واحنا بعنا حتى الحديدة

سيبك منهم ولاد الشاحبة

كلهم مطبلتية

ليل نهار بيلحسوا في جزم العسكرية

حوكشة وبكري وزبير وشلبوكه اللهلوبة


مش هسمع كلام بتوع الورنيش

اللي نازلين تلميع في المجلس

وبيصرخوا إلا الجيش

بالزمة انا جبت سيرة الجيش

جبت سيرة مرتبات بالملايين

او شركات ومصانع ومزارع بالاف الفدادين

ان قولت دول تجار سلاح او حشيش

انا بس

بصرخ يسقط المشير

ومجلسه وحكومة الطرابيش

ولازم يفهموا ان الشعب فاق من الغيبوبة


من الاخر كده يا معلم

دول بيفكرونا بمعركة الجمل

وبيعيدوا علينا

وبيقولونا

خه وبعوده


كلامي وجعك

حاسس انك بتاخد على قفاك

والمجلس مقعدك على خذوك

وهو بيهشك ويدلع ف اللي اللي .....بوك

عايز حل عشان تتفش

بس بشرط تنفذ وماتترددش

يالا بينا على طره

نجرجرالكلاب من رقابهم

ونعدمهم في الميدان هما واللي جابهم

ونستلم السلطة من ابو دبورة

#مصطفى_يوسف_عبد_العزيز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل