مصطفى يوسف عبد العزيز
الحوار المتمدن-العدد: 3800 - 2012 / 7 / 26 - 23:57
المحور:
الادب والفن
امايه يا مايه
يا عشقي وهوايه
ف الغربة أكتبلك
ودمعي صار دمي
وحشاني يامايه
كثرت يامه جروحي
والمجروحة روحي
وف حضنك يامه
دواية
امايه يامايه
مهما طالت غربتي
وهجرت قريتي
وتآهت بي سفينتي
في عينيكي
مرسايه
امايه يامايه
وحياة كلامك الشافي
وحضنك الدافي
أنا راجع ما تخافي
شايل صورتك
جواية
امايه امايه
انا لو وديتك الحرم
شايلك على كتافي
برضو مش كافي
ولا هيكون وافي
يا مايه
عشان يامه
الجنة تحت أقدامك
ولا فيه زي حنانك
بتزداد افراحك
وأنا بكبر قدامك
وبنجاحاتي تتحقق أحلامك
وفرحتي أعظم ايامك
وبلسم ألامي
كلمة يا ضناية
امايه يامايه
وآه لو تعبت ونمت
ف فراشي
تباتي سهرانه
وأقفة فوق راسي
أيديكي طبيبي
وعينيكي حراسي
وعمرك ما مليتي
وقلت كده
كفاية
امايه يامايه
#مصطفى_يوسف_عبد_العزيز (هاشتاغ)
كيف تدعم-ين الحوار المتمدن واليسار والعلمانية
على الانترنت؟