الى مَنْ يهمه الأمرْ

ميسون نعيم الرومي

الحوار المتمدن-العدد: 4517 - 2014 / 7 / 19 - 18:43
المحور: الادب والفن
    

الى مَنْ يهمه الأمرْ
ميسون نعيم الرّومي

غربَـتــْـنه أشْـكالْ الوانْ – من عـدْنـَـه ضاعْ العـنـْوانْ
يَـمْهاجــرْ إرْجَـعْ ليـوَرَه
غـرْبَـتـنـَـه حـلوَه امْعَـتـبـرَه
بـيـهَـه بَـلاوي امـدَسْــتـرَه
تـتـزاعَـلْ بـيـهَه الأخوانْ – قـَـسوَه وآلام اوأحلام
غربَـتــْـنه أشْـكالْ الوانْ
*****
أطـرَشْ اوما يسمعْ نـَـقِـدْ
مسـتأسـد اوچَـنـَّـه الأسَــدْ
من يـزْعَـلْ اومـنـَّـكْ يـصِدْ
من يـنـْـفجـرْ چـَـنْ بـركانْ - صوتـَـه يـِهـّـدْ الحيطانْ
من عـدْنـَـه ضاعْ العـنـْوانْ
*****
يـشـْـري الحجـَـجْ يـتــْعَـفـْرَتْ
لو يـنـْـفـتـحْ ما يـسـكـتْ
والأيـــدْ نـَـشـْـطـَــه بالنـَـتْ
ضاعْ البـَـلـَـمْ والسِـكــّـانْ – يا دنـْـيَه الكـلـّـچْ أحْـزانْ
غربَـتــْـنه أشْـكالْ الوانْ
*****
واحـدْ يـِجـرْ واحـدْ يـِعـرْ
مَسْـموحْ كـلشـي وبالشعـرْ
يـنـْـفـشْ إجْـناحَه إيضنْ نسرْ
سَـيـّـدْ اوشـيـَـخْ النـكــْـرانْ – جـَـنـَّـه اويضن خان اجغانْ
من عـدْنـَـه ضاعْ العـنـْوانْ
*****
تـعرفْ شغـلهَه اوتـشـْـتـغـلْ
بطـّـالـَـه ما عـدهـَـه عَـمَــلْ
ويـنْ الشـَـهـادَه ابـْـيـا سـمَـلْ
بالبـيـَـتْ طـَـنـْطـَـلْ وَجْعانْ – نـَـتْ ملتهي اوبي فـَرْحانْ
غربَـتــْـنه أشْـكالْ الوانْ
*****
شـو تالي منْ راحْ العـمـرْ
صار الخـَمـط بـيـضْ اوسمرْ
مَـگـْـرودْ واشـْـباچـَـه تـخـرْ
يـقـْـرَه وايعـَـرْفْ الفـنجانْ – والعـلـَّـه عـند الجيرانْ
من عـدْنـَـه ضاعْ العـنـْوانْ
*****
ع الفيسْ البوكْ اوهاليـغـْـفـَه
عـَـقـلْه النـّـامْ اوتـَـيـَّه عـِـرْفـَـه
مَـرْكـَـبْ تايه ضيع (مَـرْفـَـه)*
شـبْـچـَـنْ الكانْ اوكانْ – كـلـْـمَة السر والعـنـْوانْ
غربَـتــْـنه أشْـكالْ الوانْ
*****
لايـبْ ايحوسْ اومحـْـتامْ
يـتـْـوَسَّـلْ إبألله اتــْـنامْ
عَ الهاتفْ وايصوغ أحْلامْ
بـيـَـتـَه اويـِفـَـلشْ البيبانْ !– حَـلْ وابأيـدَكْ ياخوانْ
من عـدْنـَـه ضاعْ العـنـْوانْ
*****
يا عـلـْمَـكْ اوصارْ أطـْـلالْ
اگصارْ نـرْدمْ باطـْـوالْ
منهـمْ ايشومرْ بحْـبالْ
ســچـّـيـنْ باشِـط للسـانْ – لا إنــسْ يـِـسْلـَـمْ لا جانْ
غربَـتــْـنه أشْـكالْ الوانْ
*****
إفتح اوگـَـلـّـب بـكتابْ!
ضاع العمر شَعـْـرَكْ شابْ
تـقـْـشـبْ اتسبْ اوتغتابْ
من شـيـبـَـكْ اخجـَـل يـَـفـْـلانْ ! – إگـعـدْ اوسـدّ البـيـبانْ
من عـدْنـَـه ضاعْ العـنـْوانْ
*****
اتــْهـَـدَّه يـَـعـيني اتـْهـَـدَّه
الله على اليـتــْـعـَـدَّه
إمطرگْ خـَريـطـَـه ابخـَـدَّه
إلغودْ فـَـرْخـَـتْ لغـْـدانْ – جـَـفـْـتـوْ البـَـدي* يالشبانْ

غربَـتــْـنه أشْـكالْ الوانْ
من عـدْنـَـه ضاعْ العـنـْوانْ
* مَـرْفـَـه : مرفأ
* جـَـفـْـتـوْ البـَـدي : تشبيه بتجفيت السيارة

تموز / 2014
ســـــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل