عَظمْ اوبيه إتْغصْ

ميسون نعيم الرومي

الحوار المتمدن-العدد: 4475 - 2014 / 6 / 7 - 11:04
المحور: الادب والفن
    

عَـظمْ اوبـيــــه إتْـغـصْ
ميسون نعيم الرّومي

تـلـْـزَمْ عَـصايَـة امنْ النـصْ - مـثـلْ العَـظمْ اوبـيــــه اتْـغـصْ
حاكمْ رايد يـومْ اتْـصيـرْ
كـَـتّـرْ مصلحْـتـَـكْ تَـكتـيـرْ
إترفع عَ التَـهميش اوعَ التطبيرْ
بطل تجميع اخـبارْ اتْـرصْ - مـثـلْ العَـظمْ اوبـيــــه اتْـغـصْ
***********
أمْـثالْ گالوهَـــه ابْـفهــــمْ
رمانْتيَـنْ ابْـفَـدْ إيـدْ مَـتلزمْ
والوَگـْـفَـه تـوگـَـفْـهَـه الزلمْ
ترجَعْ عَليَـكْ او تنْگـَـصْ - تلزم عَـصايَـة امن النصْ
**********
من تحچي لـَـتْـلفْ واتْـدورْ
مَـحـبوبْ اتْـكونْ اومَـشْـكورْ
گـَـلبَـكْ مرْتـاحْ اومَـسْرورْ
يبْـرجْ لو چان إصْـحيحْ الفصْ - يـفْرض نفْـسـه اوما يـنْـگصْ
*********
تحْـتَـرْمَـه العادلْ هالناسْ
ما يحْـتاجْ إيدنگ راس
فرگاسْ*لا ينراد اولاينْـگاسْ
يـتْـبَـرْبَـدْ *بـنْـيانْ الجـصْ - تـلـْـزَمْ عَـصايَـة امنْ النـصْ
*********
لو رايدْ بالمَـسؤوليَّـه اْتـصيرْ؟
حكـْمَـكْ قاطعْ مالـَه نَـظيرْ
لـَـتْـلـَـزّگْ واتْـدَورْ تَـجْـبيرْ
مَـيْـصيدْ المَـعْـطوبْ الشصْ - مـثـلْ العَـظمْ اوبـيــــه اتْـغـصْ
**********
مو كلْ مَرَضْ يـشْـفَـه ابْـدوَه
اولا كلْ ظـَـلمَـه ينْـفَـعْـهَـه ضوَه
اومو كلْ أصابـيعَـكْ سوَه
لو نامْ الضَـميرْ إشْـبَـعْ گـَـصْ*- وإلـْـزَمْ عَـصايَـة امنْ النـصْ
**********
لمْـضَـيّعْ عرفَـه اوتَـدْبيرَه
تاكلْ حْنَـطاتَـه اشْـعـيـرَه
ضَـايعْ دَرْبَـه اوتَـقـْـديـرَه
كلهَـــه اتگولْ إســكتْ أصْ - مـثـلْ العَـظمْ اوبـيــــه اتْـغـصْ
**********
ويَـنْ الثَـقافَـه والقيم ؟
بَـطـَّــلْ رفيفَـه هالعَـلـَـمْ
يا وَسْـفَـه ويَـنَـه العِـلـمْ ؟
رايــــد دم الثانـــي ايـمصْ - إلـيـلزَمْ عَـصايَـة امنْ النـصْ
**********
ثَـقـافه منهَ إمْـشَـكـّلـَه
أنواعْ بيهه إمْـعَـدلــه
كـُـلمَـنْ إيْـدَوّرْ نَـدّ إلـَـه
بالبَـطنْ .. منهَـه إيچَـفـّـصْ* - مـثـلْ العَـظمْ اوبـيــــه اتْـغـصْ
***********
آخْ مِـنـَّـــكْ يا زَمَــــــنْ
كل وَكِـتْ بـيـكْ اونـمْـتحِـنْ
تـعرفْ من تـجْـليه *المَـعْـدَنْ
مَـغْـشــوشْ واعيـارْ النـصْ - إلـيْـلزَمْ عَـصايَـة امنْ النـصْ
-----------------------------------------------------------
الفرگاسْ : عندما تحترق بقعة من الجلد وتمتلآ بسائل البلازما
يـتْـبَـرْبَـدْ : ينهدم
گـَـصْ : إغتياب
إيچَـفـصّ : يقفز
تـجْـليه : تلمعه

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل