إلهَبْ يا شَمعْ

ميسون نعيم الرومي

الحوار المتمدن-العدد: 4471 - 2014 / 6 / 2 - 11:56
المحور: الادب والفن
    

إلهَـبْ يا شـَـمعْ
ميسون نعيم الرّومي

يا شـَـمعْ إبـْچـي ابْـدَمعْ حـــارْ
عَ العراقي الراحْ ليله والنهارْ

يا شـَـمعْ إشْــهَـدْ عَ اللي صارْ
ظـَـلمَــــه دنْـيانَــــه والنَـهـــار

يا شـَـمعْ إلهَـبْ نورْ إلهَـبْ نار
إكبــــارْ ماتَـــتْ والزغــــــارْ

يا شـَـمعْ چـنَّـه نحْـلـَمْ بانْـتـِصارْ
مَـلـّـيَـنَــه يا دنيـَــه الإنـْـتِـظارْ

يا شـَـمعْ عاين اوشوف الدَمارْ
ماتْ النَـخَـلْ جَـفَّـتْ الأنْـهــــارْ

يا شـَـمعْ نسْـتاهل حيلْ اوبَـعَـدْ حيلْ
كلـَّـه امن اديَـنَـه الصار هذا الويَـلْ

يا شـَـــمعْ مَـهضومْ هذا الجـيــــلْ
عـاشْ ابْـظـلـمْ فاتَـــه الريَــــــــلْ

يا شـَـمعْ ما ضّـلْ أمَـلْ راحْ الحيَـلْ
تِـعَـلـَّـمْـنَـه عَ اللطمْ والدموعْ اتْـسيلْ

يا شـَــمعْ تـهْـنَـه واخَـذنَـه السـيَــلْ
جوعْ اوخَـرابْ ابْـيوتْ وي تَـقْـتيـلْ

يا شـَـمعْ كلْ الدوَلْ بـيْـنَـه اتْعـيــلْ
نوّابْ امخَـلـّـطـَـه وامشَـكـّـله تَشكيلْ

يا شـَـمعْ عَـليَـكْ إحْـنَـه اليومْ دامَـنَّـه
صاحِـبْ صَـديـقْ اوهالصرتْ إلنَـــه

يا شـَـمعْ على الكلشي (على المامشْ) تِعَـلمْـنَـه
لاضَلْ رجَه لاضَـلْ خيَـرْ هالكنْـسَـوْ وَطنَّـه

يا شـَـمعْ اسنين راحَـتْ واجَـتْ نعْـلسْ أبْـهَـمْـنَـه
إنـْـدورْ عَ النـاعــورْ ما نـنـْـدَلْ دَربْـنَــــه

يا شـَـمعْ صارَتْ مَـهْـزَلـَـه اومِحْـنَـــه
إلبَـسْـنَـه المَـحابـسْ واطمَـغْـنَـه گصَّـتْـنَـه

يا شـَـمعْ إبـْچـي ابْـصوتْ لا تحْـبسْ الوَنَّـه
على الصار اوجـرَه والراحْ ايصيرْ إلنَـه

يا شـَـمعْ نسْـتاهل حيلْ اوبَـعَـدْ حيلْ
كلـَّـه امن اديَـنَـه الصار هذا الويَـلْ

يا شـَـــمعْ إبـْچـي ابْـدَمعْ حـــــارْ
عَ العِـراق انباگ ليلـَــــه والنهارْ
---------------------------------------------------------
حزيران / 2014
ســـــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل