أضافيرَكْ لا تگرط ْ..عيب

ميسون نعيم الرومي

الحوار المتمدن-العدد: 4429 - 2014 / 4 / 19 - 21:27
المحور: الادب والفن
    

أضافيرَكْ لا تگرط ْ..عيب
ميسون نعيم الرومي

لا بيه نَـفع اولا بيه فودْ
طايح حايطنه اومربود

إيذري اترابَه دومه ايهيل
اشبعنه اتراب اوماكو اورود

عذبْـتـونَـه كومَـه اسنين
إمْـطينَـه ابطين اوكلهن سود

يادَمع اليهمل وايسيل
يا ضيم الروح المچبود

گليَـبْ المَتعوب اومَجروحْ
ابدربه الرايح ماله اردود

مات الزرع او شَحْ الماي
لا ضل حاصد لامحصود

ضاعَـتْ شبان اوياحيف
راحت زهره او راح اسعود

يا وطن الخير المنهوب
مودَه اوهالصار الفَرهود

يعراقي اشجالك مَوجوع
شعبك مظلوم او مَنكود

نهرانك فاضتْ بالدم
تاريخ امسجل مَشهود

يمشي او يحصد بينه الموت
ذبحوْ بالبيت الچادود

تاهت بالشارع أيتام
تاكل تشبع بَس اوعود

حكومتنه جوگة سراق
اشبعتو ..؟ كافي امن الفرهود

ظالم يحكم رايد دوم
لازگ بالكرسي اومشدود

نواب اوتكرف آلآف
امكرش واحدهم مَـلغودْ

جوعان الشعب اومَهـضوم
امخيطينه الحَلگه اومسدود

ملينه او هالصحنه الداد
لا ضل عـالم لا حَـداد

يانوري إقرَه التاريخ
لا تنسه .. اذكر عبود*

إصبع بالخشم ايفرّ
نَـقّـبْ عَ النفط المَوعودْ

أضافيرَكْ لا تگرط ْ.. عيب
تصوير إيصَوّرْ مَوجودْ

علگلك ام سبع اعيون
خافَـنَّـه يحسدك حاسود

لا بيه نَـفع اولا بيه فودْ
طايح حايطنه اومربود
****************************************
نيسان / 2014
ســــــــــــتوكهولم
----------------------------
*كناية للتكتاتور المقبور صدام

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل