سحرْ العيونْ

ميسون نعيم الرومي

الحوار المتمدن-العدد: 4504 - 2014 / 7 / 6 - 18:06
المحور: الادب والفن
    

سـحرْ العـيونْ

ميسون نعيم الرّومي

متْعَـمّـدْ اوهالجاي .. آنه اليومْ
اوصف حَـلاوة سـحرْ لعْـيـونْ

رمح اليشچَّـكْ من طـَـرفْ عينْ
تـوگعْ صفـحْ واتـْطيحْ مَـفْـتـونْ

تسحنْ سَـحِـنْ بالگـَـلبْ هالنَـظراتْ
تـصيـبـَـكْ بالحشَه واتصيرْ مَجْـنونْ

لو ضحْـكـَـه اتْـبَـسمَتْ بالعـيَـنْ
تسعْدَكْ لو چنتْ حايـرْ اومَحْزونْ

لرموشْ سـودَه امْكـَـحّـلـَـه يا يابَــه
بيهَه سحرْ بيهَه غَـزَلْ وامفننَه بفنونْ

اسْـهامْ اوتـرامي اعْـيونْ چَـتّالـَـه
تـشچَّـكْ بالوَريـدْ اوانتَ هَـمْ ممنونْ

لو جَـتَّـكْ غَـفـلْ من غـيَـرْ ميعادْ
لادكتورْ يشفَـعْ لا رَبْـعَـكْ يداوونْ

شَـحْچي اوشَـگولْ النوبْ يا آنَـه
أشْـكالْ ألوانْ امْعَـددَه بالكــــونْ

السـوده .. والمنّـهَه يغارْ الليـلْ
بيهَه امن الگمَـرْ نور هالمَعْجـونْ

لونْ النَـخَـلْ لون الشَجَـرْ يا خَضْرَه
جـانْ اوإنـسْ بـيــــــهَ هاليحلفـونْ

بـلونْ العَـسَـلْ هالعـيـَـنْ واشْـمَـحْـله
بيهَه امنْ الذَهَـبْ والشَمسْ گالوْ لونْ

شَـحْچي اوشَـگولْ اعليَـچْ يازَرْگـَـــه
خَلْ البَحَـرْ خَلْ السمَه عَـنّـچْ يخَبْـرونْ

تاهَـتْ عَلـَي اوهالضاعَـتْ اوصافَـه
چَـنْ قوسْ اوقَزَحْ هالبيهَـه مَسكونْ

أسْـكتْ بَـعَـدْ واتْـركهَـــه للقـراء
للوَصفْ الگـلتْ خَلهــمْ يكـَـملونْ
-----------------------------------------------------
تموز / 2014
ســــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل