مُجرد نقطة سوداء في جبين الثوار....

سامر رسن الواسطي

الحوار المتمدن-العدد: 4510 - 2014 / 7 / 12 - 08:13
المحور: كتابات ساخرة
    

أهلاً وسهلاً بمشاهدي قناة الخبرية الحدث،وألتقيكم انا دينا الزغبي من بيروت وحلقه مفتوحه على الهواء مباشرةً مع ضيفي المُعتاد يومياً من أربيل السيد ناجح الميزان،ليجيب عن أسئلتكم حول ما يجري في العراق..
*أهلاً بِكَ سيد ناجح....
__أهلا بيج....اختي ميليشيات المالكي دمرتنا..هجرتنا..قتلتنا...
*دقيقه اخي راح تتحدث براحتك ولكن بعد ان ناخذ هذا الاتصال:
*ألووو مين معي....
-وياج حجيه نشميه بنيتي،عندي سؤال لضيفج...
*أهلين حجيه نشميه كيفِك...
-كلش منيحه،حتى أنيح من العام بهواي،يُمه ناجح اريدك تحجي بحظك وبَخَتك صدك ثواركم يفترون على بيوت الوادم بالموصل ويسجلون اسامي البنات الما متزوجات يو لاله؟
__أختي هذه مجرد نقطة سوداء في جبين الثوار وستتم معالجتها....
*ناخذ اتصال ثاني،مين معي..
-اني صكبان ابن الحجية إلي إتصلت بيكم قبل شويه،اشتغل بالغاز ومتمكن وأموري توب وخير من الله وصارلي فترة ابحث عن بنت الحلال.......
*أخي ادخل بالسؤال..
-العفو اختي اريد أسأل الضيف،صدك بالموصل منعوا شرب العرك والتدخين لو مُجرد إشاعه..
__أخي هذه مجرد نقطة سوداء في جبين الثوار وستتم معالجتها....
ألووو..ناخذ إتصال اخر...
اني مدحت فرنسيس من الموصل،سيد ناجح مو عيب عليك ما تستحي ما تخجل،صارلنه اسابيع بلا غاز ولا كهرباء ولارواتب وكاتلنه الجوع،وفوكاها ثوارك يفترون علينا يريدون من عدنه جِزيه.....
__أخي هذه مجرد نقطة سوداء في جبين الثوار وستتم معالجتها...
إتصال اخر مين معي...
اني حامد الدليمي من الرمادي،خويه ناجح يا ثوار ياصخام يا لطام يا نِعل،تدري ثوارك جربناهم قبل سنين بمناطقنا وشفناهم إشلون حرموا علينا حتى الثلج والحفافه والطرشي،ويكتلون حتى الحيوانات إذا مكشوفه عورتهن..
__أخي هذه مجرد نقطة سوداء في جبين الثوار وستتم معالجتها....
وناخذ إتصال أخير مين معي..
اني سالم الشمري من بغداد،واريد اسئل ضيفِك الكريم،العفو اخويه ليش أغلب ثواركم افغان وشيشان وليبيين وسعوديين؟
(وهُنا تقاطع مُقدِمة البرنامج الضيف)....دقيقه سيد ناجح،قبل ما تجاوب على سؤال المتصل خليني اطلع ورقه جديده،لأن هاي الورقه صارت سوده وما ظل فيها مكان لنقطك...

#سامر_رسن_الواسطي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل