فيّ الورد

سامي عبد المنعم

الحوار المتمدن-العدد: 4502 - 2014 / 7 / 4 - 22:29
المحور: الادب والفن
    

فيّ الورد
سامي عبد المنعم

نايم إبفي الورد ..
وكلك ترافه وهيل
وآنه إبطرگ وحشتي
بدموع أگضّي الليل
مليان گلبي سچچ
تنتظر جيّت ريل
فرهود صارالعمر
ياهو اليمر إيشيل
مصبوغ بابي حزن
وبابك إمرصع شذر
إمطرز قميصك ضوّه
يمطر ورد لو تمر
نايم أو كلك دفو
وإمدثر إبنجمات
وآنه إويه طولك عمر
دامن على الصدمات
خليني لوبالچذب
أدفه إبجمر ثلجك
حته أعرف اليسعدك
وشنو الذي إمضوجك
صافي إنت مثل النبع
بيك الوصف يحتار
بلّور شايل عطر
وإملگّح إبجمار
تارسني خوف أوفرح
مثل اليلاگي ولف
نگضني ظيم الوكت
بمكسراته صلف
صارن إطيوفي غفل
ومضة إويطر الصبح
ملعون ليل السهر
بجروحي ذر الملح
دولاب هذا الوكت
يفترعكس وياي
يابس أو كلي عطش
وبروحي يجري الماي
درويش بيّه رگص
وبراسي طش العشگ
حسّبت كل اليجي
أو ما حسّبت نفترگ

#سامي_عبد_المنعم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل