سامي عبد المنعم
الحوار المتمدن-العدد: 4153 - 2013 / 7 / 14 - 10:51
المحور:
الادب والفن
صبح غافي ...
والنده إينث عالدواشگ
شفه معگوده ويه شفه
وحس همس ..
وآنه خايف
ياعذر يمسح غلطتي وياك أمس
طبعك إويه الغير أنعم من حرير
او مدري ليش وياي بس تلعب خشن
تلوهتني أو صرت من سولة محبتك
حزن متغطي إبحزن
ردت أجيس الرازقي الذايب على اشفافك
أو فززني المحجر
وأخذ فيه أو راح
عالشباچ يرسم ...
ديرم او شامة حسن
أوفاح عطرك عالچراچف
وإنفضحنه ...
بعد شيلمه العطر
گام سكران السطح ..
يمشي إعله واهس طيفنه
سطر أو سطر
أومن شبگتك ...
شفتك إمحزم بلايه إحزام
ضبة سيسبان
أو داير إعليها الخصر
وإشتهيت ألعب
وأفوت وياك بآخر لعبه
من تالي العمر
لاعبتني
أو تعبتني
او تلوهتني
آنه دوم ابصفقتك خسران
وإنته المنتصر
#سامي_عبد_المنعم (هاشتاغ)
كيف تدعم-ين الحوار المتمدن واليسار والعلمانية
على الانترنت؟