محمد جلاب البديري
الحوار المتمدن-العدد: 4469 - 2014 / 5 / 31 - 02:45
المحور:
الادب والفن
عنواني مدينة حُب .. يساري
وعَدِل ميزان البْگلبي .. يساري
موش أنت العِشَگ مثلي .. يساري
ولا قيس الوُصَل عشگين بيّه
..
النص
عبرت بحور لعيونك
ونه جروحي تزف جروح
أريدن چلمة شلونك
يازخّة فرح بالروح
أجيتك والهواجس تحز بضنوني
أحسّك بالگلب وتشوفك عيوني
وياخذني الحلم نتلاگه روح بروح
ولن العشگ بيّه وصاح
خيعونك
عُبرت بحور
لعيونك
..
چنت مثل الربيع وياك
هسّه بديرة الغُربه
ومن إيمر عَلَيْ طرواك
عاشگ شَم هوى بدربه
تهت شتنطّر بوحدي
غيمة صيف وتعدّي
ولگاك بْنَفِس لونك
..
تعال وياي أريدن بيك
أشمّن ريحة النهرين
تعال أرضيني وانه أرضيك
ياعش الجِمَع گلبين
أصيحك يابعد روحي
تعال وضَمّد جروحي
صعب ماعيش من دونك
عُبرت بحور
لعيونك
#محمد_جلاب_البديري (هاشتاغ)
كيف تدعم-ين الحوار المتمدن واليسار والعلمانية
على الانترنت؟