ناذر حياتي وياك

محمد جلاب البديري

الحوار المتمدن-العدد: 4468 - 2014 / 5 / 30 - 22:21
المحور: الادب والفن
    

إحبك يل تناشدني
وحبنّ ليش أحبنّك
وحطّك جمر بين شفاف باسنّك وبوسنٰ-;-ك
يل كلّك قصايد والشِعِر ناذر حياته وياك
وين ألگاك .. يمته ألگاك
أذب روحي إعله روحك
يا بعد روحي وظل وياك
آنه من شفتك همت بالدنيه حفنه سنين
وكْتَبت تاريخ حُبك بالدواوين
مثل تاريخ أُمّه وبالفِكِر ينقاس أحفضنّك
مدري شلون أحبنّك
..
آنه ماريدك تسافر .. ولاتسافر
ومن تهاجر .. مثل طير النوارس
إرجع الديرة هلك بالغيره أحلفنّك
ظلمة ليل أحس الدنيه بعدك
والفجر من يكسر سواد الليل
هاي اللحظه أشوفنّك
وجذب هيهات أعوفنّك
..
وظل عطشان
وسگيك بدمع نهران
وصيرن غيم يمطر فرح لحزانك
وريدن روحي ماتنجاس بس منّك
وإِذا تاهت الدنيه بلا حديث وياك
أسَكّت كل حروف وكل لغه وكل دين
وظلّن بالأشاره أمسح حزن عنّك
ويصير الدين هو الحُب
ويصير الحّب قبيله بكل وطن
بحضانه أحضننّك
وكتلّني
ودفنّي بسعف نخلات
وخلّي البرحي كلّه إيهل على أيّامي الگِضَت بجفاك
وإذا خلّص زمان الناس بعده سنين أحبنّك
وانه أعرف زمان
الجاي بعد الدنيّه أشوفنّك
وشبگنّك
وشمنّك
وحبنّك

#محمد_جلاب_البديري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل