تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

آنات مظلوم

صموئيل ميشيل نسيم
(Samuel Michel Nessiem)

الحوار المتمدن-العدد: 4400 - 2014 / 3 / 21 - 02:16
المحور: الادب والفن

جربت في يوم تعيش مظلوم
ومن كتر آلامك تنام وماتشبع نوم
والدنيا عليك قاسية وبغمامها بقيت مغموم
مش لاقي حد يطيب قلبك المجروح المكلوم
بتعافر في أيه ؟!! دنيا الداخل والخارج فيها مزموم
كل سكانها مر عليهم مرار الظلم ولو يوم
أسأل اللي نايم في أرض السكوت يقولك شربت من كاسها سموم
ودلوقتي حسي وسط التراب خلاص مكتوم
من كتر الظلم خلو العدل معضلة تدرس وسط العلوم
قالولنا زمان أن مملكة الظلم ساعة والعدل مملكته مسيرها تقوم
طلعات قوالة خيبانة وظلام الظلم في السما غيوم
وأسنان المشط متكسرة وكل سن مغروس في رأس المظلوم
الواد بينزف من الأفتري ولما راح قصر الجلالة يشتكي لقاه مهدوم
أشتكي لمين الظلم ؟؟!! وبطن الأرض للعدل حالفة لتصوم
وروب القاضي الفضفاض من كتر ماقصه بقي عليه ملموم
صوت العدل كان الحاكم بقي دلوقتي بالموت عليه محكوم
قرار الشنق صدر بموافقة من كل العموم
وصرخة الظلم منه أقوي من الأسد لما يزوم
مباقش باقي منه غير اسم متعلق بحبل المعدوم
وصورة الميزان علي علبة حلاوة أو مطبوع علي الهدوم
أجري علي مين لما علي القفا أضرب من قساوة مخدوم
من يسمع همهمتي وكلام ألمي اللي مش مفهوم ؟؟!!
علي مين أجري ولمين ألوم ؟؟؟
يا سليل المظلوم هقولك كلام بس صحي النوم
متشحتش العدل من أنسان .. طلبك تلاقيه بس عند القيوم
ده اسمه اسم العدل وعدله مملكة تدوم
عليه هرمي تعبي ومظلمتي أصل وعده أنه شيال الهموم
وشجرة الظلم من لهيبه تجف وده شئ معلوم
وثمرة العدل هتكبر وشعارالعادل عليها مختوم
ولما صاحب العدل في القلوب يسكن ساعتها المحاكم ملهاش لزوم
لما يسكن في القلوب مفيش حد عليها هينام مظلوم
أصل نور عدله وحده يقدر يكسر ظلام ظلم الغيوم
ويا ظالم أعرف أن الدواير بتدور ده شئ محتوم
أرجع عن بغيك وتوب قبل ماتنام وفي يوم ماتقوم
ده دمعة من عيون مظلوم صرخة صدها تحت عرش الرحوم
دمعة في فيضها تغرق ظلمك وفيها تغوص .. استحالة تعوم
استحالة بظلمك تجدف بأيدك ضد مشيئة العادل ... ده عدله يموم
عدل ربك لازم هايجي حتي ولو طال ظلام اليوم

#صموئيل_ميشيل_نسيم (هاشتاغ) Samuel_Michel_Nessiem#

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل