مليش في الشات

صموئيل ميشيل نسيم
(Samuel Michel Nessiem)

الحوار المتمدن-العدد: 4367 - 2014 / 2 / 16 - 09:55
المحور: الادب والفن
    

مليش تقل عالشات ولا رغي البنات بساعات
أصل الشات مفهوش feelings يدوب مجرد كلمات
حتي الــ emotions مجرد أشكال بهلوانات
الواد أبو دمعة قال أيه emotions عياط
واللي عجبه حاجة يحط الواد أبو غمزات
وأعبرلك عن حبي بقلوب هو أنا فاتح مسمط حلويات
كله تضيع وقت مجرد تفاهات
بس في واحد وسط الــ friends عشانه جنب الشات تبات
حد واحد بس لما تكلمه علي الشات قلبك يقضيها شقلباظات
لما اكتبله عامل أيه ؟ يبقي المقصود miss you وقبلات
ولو رسمت D= فعلاً بتبقي ميت علي نفسك من الضحكات
وتحاول تتكلم في أي حاجة المهم يفضل يرد عليك حتي ولو بابتسامات
مبتعرفش تبدأ معاه الشات بأي كلام فبتقوله أي حجج أي حاجات
ومفيش غيرها حجة الدراسة للشات بتسهل البدايات
تفضل تألف أي كلام ولو تعرف تقوله نكات
أو ترجع بعقلك وتسبح في الماضي اللي فات ده لو لسه فعقلك شوية فتات
أصله كان ليه مكان فيه كان ليه أشباه ذكريات بأجمل لحظات
فاكر المغامرون الصغار ؟ والسيف لما ضرب البطيخة ؟ والحديد أبو دورين ؟ أشباه لعبات
في فجوة الزمن اختفي ولما عاد جاب معاه ترنيمة أنت مش للذكريات
أيه الكلام ده يكونش البكاء علي أطلال الشات
يع علي الكلام الركيك فين ياراجل فصيح الكتابات
فين "يامفازات الدم " ؟ فين " يارب السموات "؟
ده أنا أتغيرت عشانك يابسيوني وبقيت اكتب كلام بتاع الساحات
خلاص هبطل قواله هبطل اكتب كلمات .. هريحه من السخافات
أصله بطل يحط علي الــــ status لايكات
شكله زعل من قصايد كتبتها بوحي الآهات
يمكن كلامي صريح بس ده أول مره يدق القلب بنبضات
آخر قصيده هنشرها ليه أصل قصايدة عندي بالعشرات
هبطل انشر كلامي عشان هحافظ علي أجمل الصداقات
خلاص هرجع تاني off line خلاص هسيب الشات وأرحل من سكات

#صموئيل_ميشيل_نسيم (هاشتاغ)       Samuel_Michel_Nessiem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل