عدي النهار

صموئيل ميشيل نسيم
(Samuel Michel Nessiem)

الحوار المتمدن-العدد: 4360 - 2014 / 2 / 9 - 11:39
المحور: الادب والفن
    

غنوة عدي النهار والدمع كان يزرف
مهو الي حصل لينا كانت صدمة تكسف
بس فضلنا بمواويلنا نهتف
مات ولادنا علي أرض الفيروز من عدو يقرف
ولملمنا شتاتنا وعزمنا للعدو نستنزف
وميت شهيد وشهيد والدم عمال ينزف
وبحلول النصر اجتمعنا وعلي الربابة نعزف
وصرنا في فصولنا نتعلم أن عدونا علي الحدود برا
لغاية مالقينا أن الخيانة جات من جوه
لقيت اللي كان معايا علي الظلم والطغيان ثار
بقي في يده قنبلة وخرطوش وشرار
وعليا أنا بيطلق النار
مش قادر أصدق أن أخويا يدوس عليا كما الصرصار
خلاص الدم من جوه القلب فار
وأتكلم اللسان " لعن الله الثوار "
لا . لا يخويا ماتشتمنيش ده الثوار أحرار
صحيح مش كل من هتف بأسقاط النظام كان ثاير
فيهم اللي كانوا بدقون بيضا والقلب جوه سواد
وفيهم اللي كان مواقف علي قتل بغداد
وفيهم اللي للمال يدوسوا علي رقاب العباد
بس دول مش هم الثوار الأحرار
ثوارنا أيدهم بيضا عازوا تغيير
مش ذنبهم أن جيه جنبهم الخاين والحرامي والعميل
مهو صعب ينقوا الميدان من كل دخيل
وخلاص خلصت الثورة وبدل مايجي النهار جه ليل
جه واحد بدقن وأصدر قرار دستوري مفاده أن ليلنا طويل
لا . لا بقي يا أبو الامراس يابو عقل قليل
لسه ثورتنا مكتملتش وسواد ليلك نشيل
وهبا الميدان من تاني اتملا بعدد غفير
ورجع اللي كان علي الحدود يحارب عدوه اللي بره ينضف القصر من الخاين اللي جوه
وهبا رابعة تعتصم وأربعين يوم وتنفض
ونار قنابل محليه وخارجيه في كل حتة تترمي
وأخويا بدمه في حضني يترمي
وأمه تصرخ من الألم "يارب أمتي الظلم والدم ينتهي"
ودارت حرب أرهاب والدم سايل مابينتهي
وووووو ......... هههههههههه هه نسيتوا أول قصيدتي
عدي النهار والدمع كان مرار كانت أول قوالتي
وأن العدو علي الحدود واقف يستني نهايتي
إذا كنت أنا الغلبان بالكلام خليتكوا في توهان
أمال اللي أكل أرضي وهتك عرضي وقتل ولدي يعمل أيه ؟؟!!
يزرع الكره في وطني
فيقتلني أخويا ابن بلدي
اللي علي الحدود كان واقف جنبي عشان يحافظ علي عرضك وعرضي
بس خلاص عدوي عرف أزاي يفرقنا
ويقسمنا لغاية ماقولتلك ديه مش أرضك ديه أرضي
واللي مش عاجبه يرحل عنها وقتي
ماتعقل بقي يابن والدي
وأعرف أن عدوك وعدوي هناك علي الحدود جنبي
وحالف ليقسمنا مربعات ومثلثات وطول وعرضي
عدوك أين كان غربي شرقي المهم مش انا يابن بلدي
عايز أرجع أقول حلوة بلادي غنوتي ساعدي
وتحت جناح نسر العلم تهتف و أهتف تعيشي حرة يابلدي
وأقول وأبكي يابلادي بحبك يابلادي أنت فخري أنت عرضي أنت خيرك علي الكل يغطي
يامصر ياحتة من قلبي علي الصعاب هتعدي ولمكانتك تعودي وللعالم تقودي
ماخلاص بقي النهار لازم يعدي ....... بحبك يابلدي ..

#صموئيل_ميشيل_نسيم (هاشتاغ)       Samuel_Michel_Nessiem#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات