في اليوم العالميِ للمرأة -كونِ أنتِ-

فرح محمد

الحوار المتمدن-العدد: 4386 - 2014 / 3 / 7 - 19:38
المحور: ملف فكري وسياسي واجتماعي لمناهضة العنف ضد المرأة
    

#8مارس_اليوم العالمي للمرأة
إمتي هَيكون ليكِ إنتِ يوم عالميِ بداخلِك تغيريِ وتتغيري وتكونِ نفسِك بدون رتوش ولا ألوان , بدون ما حد ياخد عنك القرار وينوب عنك فالإختيار؟!
إمتي هيكون ليكِ يوم عالميِ جواكِ تعيدي فيه تفكير في كل حياتك وتحاولي توصليِ لِنفسِك بنفسِك ,تحاولي تسبقي الزمن تعيشيِ كل لحظاتك ,تكونِ إنتِ ؟!
إمتي هيكون ليكِ يوم عالميِ تعيدي فيه كل حساباتِك ,تاخدي وَقفة مع نفسِك تشوفيِ حققتيِ إيه وعاوزة توصليِ بعد كده لفين؟!
تعرفي يعني إيه حرية بجد مش مجرد كلام شِعارات بتسمعيه وتردديه وخلاص, تِفهمي إزاي تكونِ حُرة وتعملي لِنفسك قيم ومبادئ وسياسة لِحياتك تمشي عليها وتعملي لِذاتك وضع وكيان ومتتنازليش عنهم..
في اليوم العالميِ للمرأة مش مطلوب منك تحضري مؤتمرات وترددي شِعارات
مطلوب منك ما يلي :-

#إحلّمي/غيريِ/فكريِ/قرريِ/ثوريِ/إسبقي الزمن ومَاتُقفيش عند أخر خطوة ليكِ وتقوليِ خلاص , إكتشفي نفسِك من جديد.
#إرسميِ/إكتبيِ/خططيِ/إتكلميِ/أكسري تابوهات الفِكر القديم جواكِ وإتغيريِ.
ماتخفيش/ماتسكُتيش/ماتشوفيش أحلامك أودام عينيكِ تضيع وإنتِ واقفة تتفرجي وتقولي فات الوقت !
إعرفيِ من جواكِ إنك قوية وهتقدري تعملي كتير عشان تحققيِ نفسِك والبداية منك إنتِ,خُدي الخطوة وماتقوليش مفيش وقت, الوقت بإيدينا نقدر نتحكم فيه وحاولي ماتكبريش وتخلّي روحِك تِعجزّ, بلاش تقولي أهي عيشة والسلام, حقك تعيشيِ حياتك زيِ ماانتِ نفسك تعيشيها وبلاش غيرك ياخد عنك القرار.
إنتِ أحق وأولّيَ تاخدي قرار نفسك وأحلامك وتعيشيِ التجربة , إعرفيِ إن مفيش وقت تضيعيه وإمسكيِ في أحلامك وحققيها عشان تلحقي تعيشيِ الأحلام اللي لسه هتبنيها جديد, ماتتأخريش لِأن الأحلام مش بتستني الخايبين, بتجري ورا اللي عاوز يعيش وبس, فَعيشيِ.
فِي اليوم العالميِ للمرأة إصنعي ليكِ عالمِك وكونِ أنتِ فيه سيدةً أمرِك وحسب..
/لفرح محمد..

#فرح_محمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل