حيدر العبادي.. وكبة الحامض !

مؤيد حميد

الحوار المتمدن-العدد: 4364 - 2014 / 2 / 13 - 00:46
المحور: كتابات ساخرة
    

حيدر العبادي .. وكبة الحامض !
مؤيد حميد
المفروض , من ذوله سياسيي الطلبات السريعه وكبة الحامض , أن ياخذون ألف تحيه خمس مرات يوميه, ويوكفون , هيجي لزك , ويه كل فقيرعراقي .. وميخلون شي أسمه فقر بهذا البلد .. لان هذا الفقير العراقي هو اللي خله ذوله السياسيين اليوم بهاي المناصب .. وهو قادر بأصبعه بس , أن أيطيح حظ أي سياسي لوطي مغتصب حرامي أهتم لمصلحته , وما شاف مصلحة العراقيين البسطاء .. وجان المفروض عليهم , ومن فلوس الشعب ولا خلفة عليهم .. يبنون بيوت حلوه , وينورون بيوتنه بالكهرباء على مدار اليوم ,ويخلون المتقاعد أيعيش حياته الباقيه بشكل جميل , ومستشفيات بالمجان .. ومدارس لابناء الفقراء بس مو من طين .. ليش .. لان أكثر من نص سياسيينا الفلته , جانو حفاي , حفاي صدك.. يعتمدون على الرعاية الاجتماعيه في بلدان الخدمة الجهاديه .. وأقسم بالله , جانو يتحايلون ويسوون داور كيسه, على موظفي الرعايه , حتى أيحصلون باونات أكثر هاي بلندن..وجان الجهادي حيدر العبادي , هو وزوجته وبسيارته , أيوزع كبة الحامض على كل( محلات أجور رود ).. وهوايه من العراقيين القدامى أيعرفون المهندس العبادي شلون جان وضعه ..وجان هم يستلم مساعدات الرعايه ويشتغل بالختله ..
وبالدنمارك , ظل علي العلاق , ياخذ رعايه من الكمونه , وحتى هو نائب بالبرلمان العراقي ,الى أن حست بيه الحكومه ونشرت صورته بالجرايد ( مسؤول عراقي بحماية أكثر من 30 عنصر, لا زال يستلم مساعدات من الكمونه) ( والكمونه تعني البلديه ) .. وبعمله الاكشر هذا , حرم هوايه عراقيين همه صدك بأمس الحاجه للمساعده .. وهاي يذكرها الوكيل الاقدم عدنان الاسدي أبو حسنين هم بالدنمارك.. وشلون جان عنده محل خضروات أيخبل, وهوايه من معاميله , أيسألون عليه وعلى وضعه بالعراق العظيم ..
وشوفو بلاد الكفر شلون عدها قوانين أجتماعيه , وشوفو بلاد المسلمين شلون تخلي الفقير سلعه معروضه للبيع تستغله الجماعات المتطرفه بكل سهوله.. لان هناك بأوربا أيدفعون للعاطل عن العمل , أيجار بيته , وينطوه فلوس للمعيشه تغطيه وتغطي عشيرته ,الى أن هو يلكي فرصة عمل .. ومع هذا جان قسم جبير منهم يشتغل ( بالاسود ) يعني بالختله.. والمرجعيه بالنجف الاشرف أفتت أنو هذا العمل حرام على المسلمين اللي يشتغلون وياخذون مساعدات من الدول اللي يقيمون بيها ..مو تمام يا سامي العسكري..
أقسم بالله , لا أطلب بمقالي هذا , تسقيط أحد من السياسيين .. ولكني بعد أربع سنوات , طفح الكيل بي عندما رأيت حيدر أبو الكبه , وعدنان هادي الاسدي أبو الخضره , وعلي العلاق الحرامي ,وعلي الشلاه أبو الكوا.... , ووووو, هم من يرسم ويحدد سياسة العراق, وهم من يتصدق على العراقيين , ويرمي بالفتات وكأنها من جيوب قد فاضت .. أشعر بأن الحياة لا معنى لها بوجود هذه النمونات التي ستنهي العراق , ألا أذا أسرعنا بتصحيح أنفسنا , وألغينا كل هذه الوجوه القذرة من خلال صناديق الاقتراع , التي باتت بعبعا يؤرقهم .. ويسعون جاهدين لتأجيل هذه الانتخابات ..
ويا جماعه ترى الشغل في بلاد الغربه مو عيب ..ولا الفقر عيب.. بس العيب والخزي والعار من يسرق فلوس الشعب , ومن يتحايل ويضحك على هذا الشعب .. وعلى الانسان أن لا ينسى نفسه وين جان كبل , وبفضل العراق والعراقيين شلون وضعه هسه .. ولا تطلب الخير من بطون جاعت ثم شبعت.. وما خفي كان أعظم

#مؤيد_حميد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل