من هنا وهناك فلسطينيات علاك بعلاك

جان نصار

الحوار المتمدن-العدد: 4286 - 2013 / 11 / 25 - 17:06
المحور: كتابات ساخرة
    

بصراحه يا جماعه بعرف اني ساخر مش جدي بس صدقوني معي حق. ما في حدا الا واستغلنا يا هالفلسطينيه وطلع على ضهرنا وضحك علينا وبيناتنا ركيبنا وركبلنا خوازيق. من يوم ما وعيت على هالدنيا وانا باسمع كل العالم العربي والاسلامي بدو يحرر فلسطين والقدس.ما ضل حدا الا وزاود وطخطخ ورش شعارات تحرير فلسطين. من المحيط الى الخليج واحنا بنسمع طحن وما بنشوف طحين.كل زعماء الامه العربيه الراحلين والقاعدين بصيحوا وين على فلسطين. يعني فلسطين صارت زي جواز السفر لكل زعماء وشعوب واحزاب المنطقه بعبوروا فيه لمخططاتهم وبخدروا الناس وجماعتهم بأسم فلسطين. وكالعادي بوصلونا لنص البير و بيقطعوا الحبل فينا.
الراحلين وما بقلش المغفورين لان هاي المسأله بأيد ربنا .القذافي والسادات وصدام وفيصل وحسين وعبدالله وحافظ وبن علي وجر بالاسماء تتجر كلهم تغنوا بأسم فلسطين.
القاعدين عبدالله الاول والثاني ومحمد السادس والاخوان وبشار الابن كمان الممانع والمقاوم وحتى القاعده كانت ترفع شعار تحرير فلسطين .وتصوروا كمان السعوديه رفضت مقعدها بمجلس الامن مشان عيون فلسطين بس الظروف اضطرتهم للتحالف مع اسرائيل لضرب ايران.
ولكو يا اخوان حتى ايران دخلت اللعبه كمان امبارح كانوا يمانعوا ويقاموا واليوم في جنيف كل كلام الليل عن فلسطين انمحى بالنهار وصار اللهم نفسي لم تذكر فلسطين يا مساكين اللي بالوهم معلقين.
وين صواريخ القاهر والظافر والعابر والطائر والفارر كلهم اتبخرو بس بعد في صواريخ اسمها خليك محلك ناطر.

اعلنت جماعة فيمنن وهدول مجموعة نسوان بتوخد العقل وبهبلو هبل من اوكراينا اسسوا مجموعة احتجاج بأسم النسوان على اساس العنف الممارس ضدهم والمساواه وغيرها من القضايا اللي ما بتهمنا نحن الشعوب العربيه.
بصراحه اللي بهمنا هو طريقة احتجاجهم الا وهي انهم بتعروا وبصيرو توبليس يعني مكشوفي الصدور وهاي شغله مفرحه وبتشجع اننا نتضامن معهم.
قرروا جماعة الفيمينن الاحتجاج يوم 24 من الشهر القادم أي ليلة عيد الميلاد في مدينة بيت لحم.وعينكم ما تشوف الا النور السلطه ترفض ورئيسة بلدية بيت لحم تمانع والمتدينين بعارضوا وجاي يا اهل البلد جاي.
طب يا جماعه خلونا نتفرج ليش قطعة هالرزق وبعدين وين حرية الرأي يعني الموضوع صار خلاعه وقلة حياه اما عهر وخلاعة كل زعماء واحزاب الوطن العربي والعالم الاسلامي مش قلة حياه ..بالمختصر لا بترحموا ولا بتخلو رحمة الله تنزل علينا .الواحد فينا زهق اللي عندو خلونا نتفرج على فريش ميت يعني لحم طازج على الاقل منغذي بصرنا.

بقولك ان المفاوضات بين اسرائيل وفلسطين ستبقى مستمره لمدة 9 شهور. هيك كان العقد يعني الاتفاقيه وقيادتنا الرشيدي بتقولك ما راح تتوقف المفاوضات حتى لو طارت كل فلسطين وهبت عواصف وزلازل واعاصير وبراكين قبل انتهاء صلاحية المفاوض والمفاوضات.
المفاوضين الفلسطينين استقالوا وزعلوا وحردوا وولعت معاهم ومع هيك همي نفسهم بسيروا عملية التفاوض. يعني هم اليوم مش مفاوضين بس بسيروا اعمال التفاوض لحين انتهاء المده وهاي على اساس اني حمار بالسياسي انا مش فاهمها. وكاني فاهم اشي غير السياسي.

دعوات للاستثمار في مدينة القدس.لبى عدد محدود من ابناء فلسطين الدعوه الى الاستثمار في مدينة القدس بشكل انهم كانوا يملكون مليون واليوم اصبحوا يملكون عشره مليون ومشاريع لم تعود بالفائده على ابناء المدينه بقدر ما عادت الفوائد والمرابح الى جيوبيهم.وبعملوا مؤتمرات واجتماعات ودعايه على انهم استثمروا في القدس والمدينه بعد كم سنه راح تتهود بشكل كامل وقال شو بنستثمر اهلا استثمار. الله يرحمك يا ابو عمار .شعارك يرونها بعيده ولكني ارها قريبه اصبح ستبقى بعيده رغم انها قريبه.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل