ملّينه من الهجر

محمد جلاب البديري

الحوار المتمدن-العدد: 4180 - 2013 / 8 / 10 - 09:24
المحور: الادب والفن
    

مقدمة
....
ياروحي سفينه إعله الجرف
والعِطش بيهه إيحوم
نْهار وليل
من كل يوم
حتى الصام يفطر من نهاره إيفض
وأِنتي ياروحي سفينه
ماشافة نهر لِدّوم
عريانه بجرحّهه تروف
لاسفّان يحضنهه بحلم
ياحيف
حتى الحلم
صار بروحه مهموم
مهضومه يروحي
والهِضيمه تفشّل
المهضوم
....
..
يانبع الشواطي وفيض للعطشان
عود العُمر ذبلن كِل شرايينه
عفتني بطرگ روحي بدون عنوان
وتهت عن الوكت بيّامه وسنينه
وعِشت بين الصحاري أتنطّر الرِعْيان
وسفه إعله اليجافي وعِمت عينه
وينه الشاف فرحه تغازل الحزنان
وترِد السوالف شوگ وتعينه
بعدني وياك ماشوگي عرف نسيان
ودريبك نكرت الأصل والطينه
تعال مسامحك شوگي حِضن ولهان
أضمّك بالگلب نبضه بحنينه
وشوفنّك طبع من ريحة الريحان
ورسمك عشگ وي روحي الحزينه
نرِد يلتم شملنه بطيفه حلمان
مثل ملاّح من يِحضن سفينه
نشتل بذر عِشْره بعين بستان
ولاغربة الغربه تْمِن علينه
نبني كوخ إمن المحبه أِبطيفنه الچان
يحضنّه ويظل يسمع حچينه

#محمد_جلاب_البديري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل