لما كنا اصحاب

منار احمد هانى

الحوار المتمدن-العدد: 4163 - 2013 / 7 / 24 - 19:43
المحور: الادب والفن
    

فاكرة
زمان لما كنا
أصحاب

فاكرة
لما كان بينا
مليون وعد وإتفاق

طب فاكرة
لما كانوا
اصحابنا التانين
مستغربين إزاى بنتخانق كتير
ونرجع من تانى
أصحاب اكتر من الاول
ونضحك جدا على ساذجتنا
وإزاى ضايعنا يوم واحد من غير منتكلم

طب فاكرة
يوم لما كلمتينى بليل
وقولتيلى
انتى نايمة وانا مش جايلى نوم
اصحى
ارغى معايا شوية
لحد ما ننام إحنا الاتنين


طب فاكرة
يوم لما كنت زعلانه
وجيت قولتلك هو إحنا ليه
ملناش صور كتير
ليه بتتصورى
مع كل الناس الإ انا

ساعتها حسيت
إنك من جواكى بتضحكى
وضحكت جدا أنا وقتها
وقولت لنفسى
هو انا ليه
عايزة ذكرى بينى وبينك

احنا اصلا على طول مع بعض
ومش محتاجة حاجة تفكرنى بيكى


طب فاكرة يوم لما جيتلك
البيت
ولقيت بتقبلينى بالبيجامة وكلك ثقة
ومامتك ضحكت ساعتها
وقالتلك سبحان الله
ده إنتى عمرك ما قبلتى حتى اقريبك كده

فاكرة يوميها رديتى
وقالتى ايه
قولتلها
اصل انا وهى واحد

طب فاكرة
لما كانوا بيشفونا مع بعض بيقولوه ايه

كانوا دايما بيفتكرونا
اخوات
او اقرايب

واضحك ساعتها
واقول إزاى شبهك
ده انا احلى منك


وصدقينى
انا منستش حاجة

بس كل يوم
فى دايما خلاف ما بنا
على اسباب غير معروفة ليومنا هذا

#منار_احمد_هانى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل