فرق مش فارق

منار احمد هانى

الحوار المتمدن-العدد: 4161 - 2013 / 7 / 22 - 19:47
المحور: الادب والفن
    

انا فرق التوقيت بين
الساعات والثوانى

انا فرق زمن
لسه مش فارق معايا

انا فرق قديم
كان فارق مع اللى بيحبونى

ولما خلاص لقوا
حد جديد
يفرق من تانى معاهم

مشوا وسيبونى

انا فرق
حسابات الايام
فرق
جمع وضرب
وقسمة نصيب قدر

انا فرق
حروف اللغة العربية
بين الميم والعين

وضمة حضن
وكسره قلب حزين

و الفعل الماضى
اللى لسه مضارع

والفعل الامر
اللى دايما بينتهى بقهر

انا فرق ضحكة
لسه مستخبية بين كوم هم

انا فرق شله اصحاب
بحبهم فعلا من كل قلبى
بس دايما بيكون فى شىء يعكر الجو

انا فرق
العين والميم
والثوانى والساعات
والضحكة والهم

فرق كل حاجة بتموت
وتتولد من تانى

ومن تانى اكيد
هيكون لسه فى فروق كتير

*منار احمد هانى

#منار_احمد_هانى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل