ياعفريت ....... يابشمهندس

منار احمد هانى

الحوار المتمدن-العدد: 4160 - 2013 / 7 / 21 - 10:55
المحور: كتابات ساخرة
    

وانا لو طلعلى العفريت هطلب منه …
تلت طلبات

اول حاجة
شقة صغيرة .. مش لإزم يعنى فيلا فى المنصورة
او شقة فى مارينا انا راضي بشقة على البحر
فى الدور العشرين وده لإنى بحب اتكلم مع السما والنجوم بليل

ويكون لون الشقة ابيض من غير عفش كتر يعنى مش لإزم يعنى الدولاب الصينى….
اصلاً انا بحب اطلب دليفرى

ومش محتاجة اطباق وكاسات للضيوف
اصل مفيش حد يعرفنى علشان يجى يزورنى

ومش لإزم يعنى مرايات كتر
انا مش بحب ابص فى المراايا وازعل على حالى

هو انا قولتك الشقة صغرة مش كده ؟
معلش خليها كبيرة شوية

اصل عايز فيها مساحة وحرية

ومكان يكفى لمكتبة كبيرة …. فيها كتب مالها اول ولا اخر والمكتبة مش علشان المنظرة او علشان الضيوف يقوله عنى إنى مثقف ما انا قولتلك من الاول إنى محدش يعرفنى علشان يجى يزورنى

المكتبة علشان لما ازهد من الناس والدنيا
اجى واقفل على نفسى
واعيش فى المنفى ببراح
واتكلم مع امل دنقل وسوزان عليوان وبهاء طاهر
وفيكتور هوجو برنادشو وديكنز وناس كتيييير بحبهم اكتر من المانجا والشوكولاته والايس كريم


وياريت لو يكون فى ركن لإاغانى
فيروز ونجاة وماجدة الرومى
والروقان كله بقى فى شوبان وعمر خيرت

و ياسلام لو كنت عفريت
ابن حلال ومزهقتش ومليت منى
وقولتلى نفسك فى إيه تانى

اقولك بقى يا سيدى
نفسى البس شيك جدا ومصور محترف يصورنى مع تماثيل مايكل أنجلو فى إيطاليا ويوم جامد جدا اعمل فيها انا بفهم وادخل متحف اللوفر
واتفرج على الرسومات والشخبطة
واقول ياسلام على الفن والجمال حتى لو مكنتش فاهم اى حاجة

وعلى المغرب كده اسافر البرازيل
اشرب فنجان قهوى اصلى يعدل مزاجى
واروح اشوف القبائل هناك
بيقولك ياسيدى لسه فى ناس عايشه فى البرازيل ومتعرفش مين بيليه
ولا عمرهم جربوا يشربوا القهوة وعايشين كده فى البدائية ومابيحبشوش المتطفلين اللى زي و زيك



وبليل كده اتمشى على نهر السين فى باريس واسمع فيروز
وام كلثوم انت عمرى

والفجر اروح اصلى فى القدس
وادعى للعالم كله بالسلام والحب


اه نسيت اقولك ده انا من زمان وانا نفسى ازور لاس فيغاس


ومايسموها بمدينة الخطيئة
نفسى اعرف فها ايه والناس عايش ازاى كده فى انوار كتير وزحمة ودوشة وهما فعلا مبسوطين
والناس فعلا هناك كفار ولا علشان إحنا متغاظين
منهم بنقول عليهم كده


معلش ياعفريت تعبتك معايا بس متقلقش أكيد هفتكرك واجبلك بنطلون احمر وتشيرت بنى
إيه ده شكلك مش عجبك

ياعم ده اخر شياكة ده مطرب الإحاسيس كان لابسه والبنات بتموت فيه
مش احسن من الجلبيه اللى انت لابسها اللى مخليك شبه الارجواز فى السرك

بس وحياة ابوك ياشيخ يارب ابن يكبر ويكون حاوى ويجيب 9 .99% ويدخل طب

عايزاك كده فى يوم وليله وفى لمح البصر تعلمنى كل اللغات واعرف وافهم كل اللى بيقوله البشر

وبعد إذنك طبعا …..

عفريت …. يا عفريت .. يابشمهندس

انت رحت فين أنت طفشت وزهقت منى متخفش يابرنس
صدقنى كنت حجبلك كوتشى بينور و يسليك لما احبسك من تانى فى الفانوس

منار احمد هانى

#منار_احمد_هانى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل