أنا

منار احمد هانى

الحوار المتمدن-العدد: 4132 - 2013 / 6 / 23 - 01:52
المحور: الادب والفن
    

(1)

أنا لسه
بنى أدم
صغير
مولود فى الحياة

بحلم فى يوم
أكبر
وأكون أنسان

أنسان
بمعنى الكلمة
فى قلبه خير
وحب لكل الناس

(2)

أنا لسه
طير صغير
جناحه يدوب
ب ينبت
بيحلم ببكرا

وبكرا
يكبر بسرعة
ويسافر
لسابع سما

ولا يوم أبدا يفكر
يعود للإرض

(3)

أنا لسه
فكرة محبوسه
فى برطمان إزار

موجودة
فى التلاجة

بتحلم
إنه منه تتحرر
وتقابل الشمس

والشمس
تدوب
التلج

التلج
اللى عمل منها فكرة
بلا إحساس

(4)

انا لسه
شوية كراكيب
وإنتيكات
متجمعة
فى صندوق كرتون

الصندوق اللى
مليان بالتراب

التراب
اللى عمل من الإنتيكات

ضحكة
وعلى اثرها الحزن

الإنتيكات اللى
بتحلم فى يوم
إن صاحبها
يفتكرها
ويعرف إن
مش كل قديم
لإزم يتركن على الرف


انا لسه
كل حاجة صغيره
حلمها ساذج جدا

إنها تكبروتحاول تغير من نفسها


*منار احمد هانى

#منار_احمد_هانى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل