اوباما بتسلى والشعوب بتتقلى...ساخر

جان نصار

الحوار المتمدن-العدد: 4138 - 2013 / 6 / 29 - 11:20
المحور: كتابات ساخرة
    

قرر الرئيس الامريكي ابو سمره اوباما ان يقوم بعطله الاسبوع القادم لقضاء سبعة ايام مع زوجته وبناته في 3 دول افريقيه. وهادا كله بعد ما رجعت الامور بينه وبين حرمه الى مجاريها.اكيد راح تسألوني ليش هو كان في خلاف بينو وبين زوجته وطبعا راح اجاوب بنعم لانه هذا الموضوع ما حد بعرفه غير انا والمقربين. اكيد حابين تعرفوا شو طبيعة الخلاف...خلال الاشهر الماضيه الست مشيل رقصت وتشخلعت في التلفزيون امام الامه وشافوها كل العالم وصرحت بأن الرئيس ما بعرف يرقص ولهيك اخونا زعل وامتعض وحلف عليها يمين طلاق ولولا تدخل الامير حمد والشيخه موزه والملك عبدالله والملكه رانيا وتدخل غير مباشر من ملك السعوديه كمان عبدالله بس هاد ما تدخلت حرمه لانه ما عنا حريم تبان على الرجال لكان وقع المحظور. المهم انه الله ستر.
مسكين الرئيس اوباما تعب كتير خلال الفتره السابقه ولهيك لازم يرفه عن حالو خصوصا وان الاوضاع مستقره في الستيتس يعني امريكا وبقية العالم وخصوصا العربي قايمي عايمي يعني مخربطه وهو اللي مخربطها بس يا عمي بخلص العمر وما بتخلص المشاكل وهواكيد راح يكون متابعها.بعدين صبيانو راح يقوموا بالوجب مثل اخونا تبع قطر حمد جوز موزه عفوا تغيرت القياده صار تميم ال ثالث علشان طلع صف جديد بالعمالي لامريكا وصار من ال ثاني الى ال الثالث وفي العبداللهيان الاردني والسعودي وبقية اعضاء الفرقه جماعة الخليج.
راح نعطيكم صوره عن تكاليف الرحله حسب الصحافه والتلفزيون الامريكي بقولك انه الثانيه بتكلف 133 دولار والدقيقه 8000 دولار الساعه480الف اما يوميا فتزيد عن 11مليون و480 الف يعني مجموعها بالاسبوع 80 مليون دولار يو اس.طبعا هذه التكلفه ستدخل موسوعة جينس على اساس ان ضارب الرقم القياسي السابق هو الرئيس كلينتون بمبلغ 42 مليون نفس المده والرحله الى افريقيا. مساعد مستشار اوباما للامن القومي بن رودس بقولك ان الجهاز السري لسلامة اوباما هو اللي بحدد التكاليف. طبعا هاي اكبر تكلفه لزعيم امريكي في تاريخ امريكا -دقو على الخشب ومن شر حاسد اذا حسد.
طبعا مشان جنابو يقوم بالرحله راح يقوم الدنيا معاه.حاملة طائرات وسفن لحماية سعادتو لان الجوله تتطلب انتشار لوجيستي كبير.مع تجهيزمئات من عناصر الجهاز السري وارسال 56 سياره الى الدول الثلاث منها 14 ليموزين بالطائرات واجراءت حماية نوافذ الفنادق وهاي كلها بتطلب تحريك حاملة الطائرات مع كمشة سفن حربيه واحدها هي عباره عن مستشفى كامل.عندك 3 هيلوكوبترات للحراسه ووحده مارين ون لجنابو بالاضافي الى 6 سيارات مصفحه اهمها بارك موبايل وهي ليموزين كاديلاك محهزه بما يصد ويقاوم أي هجوم قنبلي او صاروخي وحتى كيماوي عليها. مجهزي تجهيز غير شكل اتصالات مباشره مع نائب الرئيس والقياده العسكريه واذا صار شي هجوم على اميركا في شيفره بالهجوم النووي .اظن يا قراء بكفي عن الحراسي والكناسي...طب شو مع الاكل يا جماعه يعني هامبورغر وبيتسا وكولا وشبس وما ننساس كنتاكي احلام وامريكان ايس كريم عشان البنات يكونو مبسوطين يمكن ياخدو معاهم شي 3 او 4 مطاعم يكومو شغالين 24 ساعه...هاي مصاريف الامريكان وشو مع مصاريف تنزانيا والسنغال وجنوب افريقيا .جيش وعسكر وشرطه ومطارات واوتيلات ووفود واستقبالات بأحتصار الافارقه كمان راح يفتو دولارات.
مين ممول هالرحله دافع الضرائب الامريكي والا الهوبل جماعتنا السعوديه وقطر والخليج على اساس استثمارتهم في امريكا او فوائد اموالهم اللي في البنوك ما بخدوها عشان هي ربه وحرام.
لن نتدخل ونتفلسف ان هاي المبالغ الضخمه شو ممكن تعمل للفقراء والمساكين في افريقيا مثلا او الولايات المتحده نفسها او لاجئين سوريا في الخارج اللي حضرتو وحكومتو كان الهم فضل كبير على النعم النازلي عليهم هذه الايام والا الاطفال الافارقه ابناء جلدته اللي بموتو من الجوع .على كل حال كل هالحكي هاد مش مهم.
الشعوب العربيه المقهوره حاطين ايدهم على قلوبهم ليقضي اوباما وعائلته العطله بسلام وان لا تلسعه ناموسه او تقرصه ذبابة تي تسي افريقيه تجعله يصاب بمرض النوم لانه في كتير خوازيق لسه لازم تخوزقوها لنا.على كافة الاصعده واهمها القضيه الفلسطينيه والصراع السوري والمسأله العراقيه والاحداث المصريه والتطورات التونسيه والاتفاقيات الاردنيه والصراعات الطائفيه وغيرها من القضايا الملتهبه.
ختاما نطلب من العلي القدير ان يعيد الرئيس اوباما سالم غانم من افريقيا وان لا يحصل معه مثل ما حصل مع اخونا الهندي.

هاي النكته سمعتها من احد الهنود وهي كالتالي::
ذهب مجموعه من السياح المسيحين من الهند الى زيارة السفاري في احدى الدول الافريقيه .اضاع احدهم المجموعه وفجأه وجد نفسه امام اسد ضخم ففزع وهلع وجثى على ركبتيه وصلب على جسمه واخذ يصلي ويطلب من المسيح والله ان ينجيه من الاسد واستغرب لان الاسد لم يلتهمه حالا فنظر اليه وعندها قال الاسد انا مثلك مسيحي اصلي قبل الغذاء.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل