كيري خلونا بالشاورما والكنافه وبعدين السلام

جان نصار

الحوار المتمدن-العدد: 4102 - 2013 / 5 / 24 - 17:23
المحور: كتابات ساخرة
    

بالامس عرج وزير خارجية الولايات المتحده جون كيري على احد مطاعم مدينة البيره رام الله وقد هفت على نفسه(اشتهى) واجى على بالو سندويش شاورما ومن بعدها تحللا(اكل حلويات)على كنافه نابلسيه فلسطينيه وشرب فنجان قهوه على كيف كيفك.
ما هي ابعاد ودلالات وتحليلات ومغزى وهدف التهام سندويش الشاورما واللي هو بالعربي الشاطر والمشطور وما بينهما (سندويش بالعربي الفصحه او شطيره).
نحن عشاق السياسه منموت ومندوب ونعشق التحليلات والسيناروهات لكل حدث اذا كان مهم او تافه ونضع كل الاحتمالات واللي معظمها من بنات افكارنا. (على فكره وهاي خارجه عن موضوعنا ليش منقول بنات افكارنا مش اولاد افكارنا وهاي اكيد لصالح المرأه على اساس ان الافكار هي مؤنثه.)
نرجع لوزير الخارجيه كيري وشاورمتو.احدى التحليلات بتقول ان القياده وابو مازن جماعه بوخله وما طعموش الوزير المسكين.واخرى بتقول انو الفلسطينيه مفلسين لدرجه انهم ما معهم يشتروا للوزير حتى سندوش شاورما.وممكن هاي اشاره غير مباشره ان الفلسطينين بدهم دعم مالي وان الحالي تعباني يا كيري حب مفيش عفوا فلوس ما فيش. وفي معلومي بتقول ان الوزير حرد وزعل على القيادي الفلسطينيه وقلهم علي الطلاق منكو انا زعلان وراح اكل بره. ومنرجح ومنقول هاي احتمالات تقع تحت الخطاء والصواب. وفي فرضيه بتقول ان الفلسطينيه اصلا مكنوش عزمينوا على الاكل وما بعرفوش انو الامريكان بجوعوا زي العرب.واحتمال بقول انو الاسرائيلين هم البخلاء وبعتو الوزير بلا اكل عند الفلسطينين.في نظريه بتقول ان الوزير اجى بوقت لا هو غذاء ولا عشاء وعشان هيك الوزير جاع على الطريق لانو مش مطعمينوا على الغذاء كفايه.
بعض الترجيحات بتقول ان الوزير من المفروض قادم لاحياء عملية السلام بين الاسرائيلين والفلسطينين وهاي اشاره طز فيكم وفي مشاكلكم انا جوعان ومش فاضيلكم وهيك هيك هاي الزياره مثل الاف الزيارات اللي ما في منها فائده وزياراتنا دائما تندرج تحت شعار تيتي تيتي مثل ما رحتي جيتي.
احدى التخمينات بتفول انو جون كيري بعد اربع سنوات وعندما يخرج على التقاعد يفكر بفتح محل شاورما في امريكا.وفي اشاعه بتقول انو كيري بعمل دعايه مدفوعة الاجر لصاحب المحل على اساس بزنس اذ بزنس.
هي ممكن تكون لفته من وزير خارجية امريكا انه متواضع ومع الشعب وانو عند البطون تضيع العقول. وعلى فكره الوزير دفع ثمن الوجبه ربنا الله وعشان ما يفكروا الفلسطينين انه برشوة ساندويش شاورما وكنافه راح تنحل القضيه. اذا بدكو تحلوها بدها غدا مرتب واكبر من هيك كتير كتير.
قد يعتقد البعض ان الموضوع تافه وما بستحق القرأه وانا مع هذا الرأي بس يا جماعه في واحد مقتنع ان الزيارات المكوكيه الامريكيه راح تقدم شي حل للقضيه.كم وزير خارجيه امريكاني كان في زياره لمحدثات السلام بين الفلسطينيه. اصلا هو قادم بقترح لقاء الشهر القادم على اساس انه يكون في لقاء بعد شهر من الشهر القادم ونتفاوص على اساس يكون في مفاوضات نتفاوض عليها ونقترح اسس التفاوض.لان شعار كل وزراء خارجية امريكا وما بيتغير:وي ول سي يو افتر شيف يعني منشوفكم بعد الحلاقه.وخليكم على نفس الخازوق لانه الخازوق اللي بتعرفوا احسن من اللي ما بتعرفوش
وبكره وبعدو وبكره وبعدو واللي وعدني حيخلف وعدو كلها بكره وبس ووعدو.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل