ردود علي الإخوان ... الذين يدعون أنفسهم أنهم مسلمين ...

أسعد أسعد

الحوار المتمدن-العدد: 4098 - 2013 / 5 / 20 - 22:46
المحور: مواضيع وابحاث سياسية
    

يصور الإخوان المسلمين أنفسهم للناس بأنهم الأبرياء و الضحايا ... و يكذبون علي الناس أكبر الكذب مستعملين التقيه لأنهم في حرب ضد مصر و شعبها ... هشام الجخ الشاعر الأسواني الشاب دافع عن إسلامه و عقيدته في مواجهة تصنيف و إتهامات الإخوان المتأسلمين ... إنظر يا قارئي العزيز رد الشاعر المتأخون عليه ... لذلك إرتأيت أنا أيضا أن أكتب ما يجول بخاطري حتي و لو شعر ركيك بعد أن راجعت جرائم الإخوان ... الذين قال عنهم حسن البنا نفسه ليسوا إخوانا ... بل و ليسوا مسلمين ... و أترك الحكم للقارئ ... و قد أرفقت بمقالي هذا صحيفة الحالة الجنائية لمن يدعون إنهم إخوانا و إنهم من المسلمين ...
وفيما يلي قصيدة الجخ ... والرد عليها
أنا إخوان وكل المسلمين إخوان
فما تصنفش إسلامى على كيفك
حقيقتى أقوى من زيفك
يا خوف يا جبان أنا إخوان
بطيع الله فى ملكوته
وبدعى يزيدنى من فضله ومن قوته
وأصلى وأصوم
وأجاهد نفسى وأصبر عالبلا وأحمد وحمدى يدوم
لأنه الرازق الوهاب وهو مسبب الأسباب
فله الفضل والمنة وليه الطاعة
فماتبصش لدينى نظرة طماعة
أنا دينى لا هو سلعة ولا بضاعة
ولا ليه سوق
لا أنا بايع ولا شارى
إيمانى هو راسمالى
فاصحى وفوق
مانيش إخوان على نهجك
فلم من الدروب همجك
كفاية شقوق
مش أنت لوحدك الإخوان
أنا إخوان بحق الله وبالسنة وبالقرآن
وقت الجد أنا عثمان
وقت الحرب أنا حمزة
ووقت الفصل ببقى فاروق
أنا إخوان على الرحمة وعلى التقوى وحب الناس
لكن عمرى ماهتأخون بأخونتك على الصندوق
اما قصيدة الشاعر الاخونجي حسام خميس فيقول فيها
أنا إخوان..
وكل المسلمين إخوان مقلتش لأ
ومين يقدر يقول على مسلم إنه انشق
ومين يقدر يقول الكل على باطل وهو الحق
أنا إخوان ومن صغري وانا إخوان
وطول عمري..رضعت العز من بدري بإيد إخوان
وشايل راسي على كفي عشان ربي, ومش بتهان
لا عمري كنت أنا خاين ولا بايع ولا مجرم ولا سجان
أنا إخوان وطول عمري ف وقت الخوف أنا الربان
وبعد ما اعدي بحر الصعب أنا بتهان
وأفضل برضه أنا ساكت ومش غلطان
فميجيش جخ ويقوللي ده إنت جبان
أنا اللي حاربت في فلسطين
وسال دمي بقالو سنين
وجف الدمع ع الأقصى
وأنا دموعي ليوم الدين
وشقوا صدري بسهامهم
عشان إخوان
برغم الضلمة والعتمة وقفت أثور
وكنتوا تقولوا إخوانجي وعايش الدور
وفاكر إنه هيصلح وطن مكسور
ومسمعتش ف يوم ليكم, فضلت جسور
عشان إخوان
أنا إخوان ولا ف عمري في يوم وطيت
ولا أكل الرغيف خلاني جنب الحيط
ولا كان ليا في الصفقات ولا التزييط
وعشت حياتي وشعاري
أنا إخوان
هتشتم يا هشام اشتم ولا بيهم
وتنطح صخرنا براسك وتنزف دم
ولا هيهزنا شتايمك ولا يغيرنا يوم الذم
ولا هنهتم
مكنتش أحب إني أجاريك ف تخاريفك
ولا إني أسلم يوم بتصنيفك
ده مصري بشرطة وده مصري بدون شرطة
وده يا جخ توصيفك..مش الإخوان
ولسه برضه ممدوده إيدينا إليك
ففوق واصحى يا ولد العم مد إيديك
عشان نبني وطنا بجد مش تلبيك
وإياك تفتكرني عدو...ده أنا إخوان

رد أسعد أسعد علي الإخونجي المتأسلم حسام خميس

كترت كلامك يا خميس و دا طبع في النسوان
طولت لسانك يا خبيث علي بطل من أسود أسوان
هشام و في طبعه إسمه يعني الشرف عنوان
لكن إنت تطلع مين ... أبوك قال في مصر طظ ... و عمك العريان
بتقول علي نفسك و تفتخر إنك إنت البعيد إخوان
ما هي الشياطين بتفسد في الأرض و تقول علي نفسها إخوان
روح اجري قول للشاطر انك لبول البعير عطشان
يبعتك تخرب في سوريا و تكدر سلام لبنان
و الا تروح العراق تفجر فيها الشوارع و تنسف الميدان
أو تنزل جنوب أرضنا تقسم بلاد النوبه و تفتت السودان
أو تخرب بلاد جنبنا و تهدي شمال أفريقيا لإسيادك الأمريكان
طول عمرك بياع أراضي و إستغلالي و بتخرب الأوطان
بعت القدس لاولاد عمك و خربت العراق و ضربت سوريا رجاله مع النسوان
طول عمرك بلطجي سفاح و جرايمك تشهد عليك يا جبان
سجنوك عشان مجرم و مكانك ورا اسوار اللومان
كان لازم تكون مرمي في طره و الا في العقرب و الا في قره ميدان
مين قاللك إنك إنت و المسلمين إخوان
دا إنت بايع إسلامك للندن و تل أبيب و إخوانك الألمان
أنا المسيحي القبطي و اخويا المسلم القبطي إحنا في الوطن إخوان
في الدين بنختلف هو في الجامع و انا في الكنيسه لكن عندنا إيمان
و انت عمال تتاجر و تصنف و تحرم و تحلل و تفرق الأديان
حسن البنا داهن و مسح جوخ للملك و نافق السلطان
و سيد قطب من بعده جاب لنا إبن عبد الوهاب من جزيرة العربان
و مرشدك قال طظ فينا و في مصرنا و يحكمنا واحد من ماليزيا حتي و لو كان جربان

هشام سكت عنك و أنا حاسس إنه منك بقي قرفان
صعيدي و دمه حامي ... مش فاضي لدلعك و كلامك اللي علي كل لون الوان
لو كنت مصري يا خميس إخلع البردعه و اللجام و افرد ضهرك و انضم للشجعان
كفايه ترضع من بديع و السم من لبن العريان
و إشرب من ميه النيل اللي موحده مصر و مخليا شعبها كله في الوطن إخوان

#أسعد_أسعد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل