نهضة دى و لا فنكوش !!

احمد عبدالمعبود احمد

الحوار المتمدن-العدد: 4056 - 2013 / 4 / 8 - 01:42
المحور: كتابات ساخرة
    

نهضة دى و لا فنكوش !!

ما حدش شاف اللي باع لنا الوهم في علب و الهواء في زجاجات أي اللي باع لنا الفنكوش على انه نهضة واللي جماعته أقنعونا بالدية بدلا من القصاص و كمان الفوضى على إنها الأمن في أبهى صورة بس إحنا اللي مش عارفين أما الاستقرار دا يعيني عليه واضح أوى في كل ميدان و في كل حارة من المظاهرات إلى الإضرابات ثم الاعتصامات و ربما يكون سببه من البطالة أو بسبب الأسعار اللي جعلت الدنيا نار و لا الأنبوبة اللي بأمر الصندوق فجرت الأكذوبة و كشفت الملعوب مش بقولك تاجروا بالثورة و بدم الثوار و من يوم ما تفاوضوا مع طنطاوي و عنان العسكريين كانوا مأمنين و على فسادهم متسترين و بدم الشهداء طلعوا سفاحين و عنه متنازلين و بالقصاص العادل و القضاء الناجز مستهزئين و عن البناء على الأرض الزراعية دول شلة عميان و طرشان لما بكرة نلاقى الطماطم و البطاطس في خبر كان و الثروة الزراعية في انهيار تام بكرة نقول يا ريت اللي جرى ما كان أو نعلقها في شماعة البر ادعى و حمدين اللي من السفالة مسمينهم أعداء الدين لأنهم ما بيتستروش ذيهم بالدين فرحمتك وسعت كل شيء يا أرحم الراحمين و رحمة الله على الجنزورى اللي بقرار عسكري حمى الأرض الزراعية اللي أصبحت في زمن الإخوان نهيبة و فريسة للأرذئجية مش بقولك دول تجار دين و عن حماية الوطن غير ملتزمين
آه يا بلدنا ياللى فيكى كل حاجة محيراني
نزرع القمح في سنين يطرح القرع في ثواني
آه يا بلدنا يا وسية للإخوان و شلة الحرامية و كمان البلطجية
سرقوا إرادتنا بزجاجة زيت و قرص طعمية و كمموا أفواهنا بمحاكمات هزلية باسم رعايتهم للحرية الأمريكانية عيني عليك يا بلدنا لما استولى عليك الإخوان باسم الديمقراطية و اللحمة الشرعية بعد الصفقة اللي هي مدعومة من دول خليجية و برعاية أمريكانية أصبح مرسى رئيس و الثوار أصبحوا بلطجية و الثوريين دول عملاء و خاينين حتى أصبح مرسى و الجماعة بأمن إسرائيل مشغولين و بالمعاهدات الدولية ملتزمين و باستثمارات قطر مباركين و عن حلايب و شلاتين بالتنازل مستعدين و آل كله لخدمة الدين هو دين ابوكوا اسمه إيه يا اللي بالصكوك الإسلامية مستعجلين و على شيخ الأزهر متآمرين و بالمكيدة مستعدين طب و هو إحنا مغفلين

أما عن البلطجة و الفوضى اللي بمصر قالوا غير مسئولين لأن المسئول عنها باردة البر ادعى و حمدين طب هما من المسئولين أو الوزراء و السلاطين يا مصريين لكن حكمتك يا رب العالمين ثم خوفونا من الشيعة و بسرعة البرق كانوا بالصفقة مع إيران متحالفين مش بقولك دول تجار دين و متأسلمين تاجروا بالثورة لحساب العسكريين اللي خرجوهم أمنين و على فسادهم متسترين و اسألوا كيري و هو يقولك عفا الله عن كل الفاسدين المهم إنهم بالصفقة كانوا على القصر ساحفين و بالصفقات متأمنين و متغلغلين و من شفيق متخلصين و كله باسم الدين يا عبدا لمعين و كله على عينك يا تاجر بس أشكر رب العالمين اللي جعل من مرسى رئيس و قنديل وزير و بوعود كاذبة التهم السلطة و في مسلسل الكذب على رب العالمين قلب الباطل حق و الحق باطل و كله باسم الدين لما بدلوا الحقائق لما وعدنا بحد أدنى ثم عن الفقراء استغنى أما الأغنياء يعيني عليهم بالأقصى حاول يسد عنيهم لكن هما مستغنيين و على مرسى بقصة هروبه ضاغطين لأنهم بفساد جماعته بالملفات للنائب العام جاهزين و لقيادات الجماعة مستعدين و ده كله علشان الاستبن في غفلة قفز على الكرسي و علشان عيون الجماعة بكرة انتظروا منهم إما الفتنة أو المجاعة لأن الخرفان أصبحوا مقاطف بودان و يا لا الخزي و يا لا العار دا الإخوان تجار أديان و يا عيني عليكم يا مصريين يا للي كنتم بالإخوان مطمئنين و إنهم لشرع الله مطبقين مش بقولك الإخوان بالسياسة أصبحوا تجار أديان و آه يا بلدنا هي كانت عقولنا فين لما اخترنا المغفلين و بالرئاسة أصبحوا متحصنين و بشعب مصر مستهزئين و مستهترين امال مش طلعنا مغفلين علشان انتخبنا الكذابين واللي بوعود الرئاسة متنكرين إرضاء للعريان والشاطر و بديع و كل أمثالهم المخاليل و رحمتك يا رب العالمين يا مثبت العقل و الدين و آه يا حكومة يا نهضاوية يا اللي بالقروض الريباوية جعلت الأنبوبة بالبون و الرغيف بالطاقة الزكية و لسه بكرة المستخبى يبان من غير لف و لا لفلفان لأن الحكاية من غير لف و لا دوران كانت يا حبايبى بتتكلم عن بهية اللي عليها العزم و النية و اللي غدر بها الزمان لما حكمها شلة من الإخوان و السلام ختام

#احمد_عبدالمعبود_احمد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل