بالحليب ماأعرف لكن بالنطح يا سلام سلم

ماجد العذاري

الحوار المتمدن-العدد: 3992 - 2013 / 2 / 3 - 10:33
المحور: كتابات ساخرة
    

بالحليب ماأعرف لكن بالنطح يا سلام سلم
فد رجال الزمن تعب من عده وهو تعب من الزمن
فد يوم من الايام كعد يم زوجته وكللها ابروح ابوج
ما جامعتلج اشجم فلس
وبطيبة قلب لم تسئله عن مراده ولماذا
فسرعت الى صندوك الخشب واطلعتله كل ما جمعته من تعب زوجها وتعبها من السنين الماضية
سلمت له ما ادخرت وهنا سئلته
بروح ابوك شلك بهاي الفلوس كلها والله اريد اشتري صخلة شامية ـ ـ وهذا النوع لديه القدرة بانتاج الحليب بغزارة ـ ـ
هم نشربنا احليبة وهم انوسع رزقنا ونبيع الباقي من الحليب لو اتسوينه جبن وهم تطلع منه زبده
فباركت له هذه الصفقة التجارية
دون ان تعرض على مجلس النواب
ودون ان تعقد جلسة خاصة
ودون تشكيل لجان
ودون عرض الامر على مديرية الثروة الحيوانية
ودون ان تعرض على المديرية العامة للاعلاف
ولم تعرض على السيد وزير الزراعة
اخذ فليساته وغبش من الصبح لجوبة الغنم فاخذ يتمعن في الصخول المعروضة الى ان اقتنع باحد الصخول وبداءيتناقش مع صاحبها عن العمر وعن اسباب بيعه لهذه الصخلة
وهل هناك موانع قانوية
او موانع تصرفية تحول دون نقل الملكية
وهل مدينة للمصرف العقاري
وهل استلم صاحبها سلفة ال 100 راتب
وهل وهل
الى ان جزع صاحب الصخلة كلي عمي دروح انته ما تشتري بس اتعامل على السعر وما اكو وراك نتيجة
وهنا اتفقا على السعر فبداء صاحبنا يعد الفلوس لكي يهيء للبائع المبلغ وراسا ايد صاحبنا وكفت عن العد
فقال له البائع ها خير شو بطلت تحسب كله عندي سوعال بروح ابوك اشكد تحلب هاي يوميا
فاجبه
عمي اني ما اعر ف اشكد تحلب لكن بالنطح يا سلام سلم
كله بوية جا انه جاي اشتريلي صخلة اشرب منها احليبه لو جاي اتناطح
ترك السوق وعاد ادراجه
اليوم 2 ـ2 ـ2013
شاهدت على قناة العربية وفي برنامج مقابلة خاصة مع دولة رئيس الوزراء نوري المالكي ومن جميع اجاباته يصل بنتيجة بالحليب معرف لكن بالنطح يا سلام سلم
مثلا
سئله المذيع لماذا لم تنفذ مطاليب المتظاهرين لحد الان والمدة قاربت على الاربعين يوم
اجابه
هناك امور تتطلب ان تعرض على
لجان وبرلمان وبتتيتة وبيتنجان
فسئله عندما تاخذون الشخص بسرعة وعنما ترغبون باطلاق سراحة تماطلون
فاجابه بمعنى مبطن بالحليب معرف لكن بالنطح ياسلام
اني ما بيدي شي
بيد البرلمان
والبرلمان بيد حارس البستان
وحارس البستان يخاف ينباك الرمان
وتاليها كلشي ما فاتهم المذيع بس تسفيط بتسفيط
ولكن عندما سئله عن هل هناك رغبة لدى المالكي برئاسة ثالثة
اويلي يابة اويلي يابه
اشلون جواب دوخه للمقدم اربعين مادة حافظهن عن ظهر قلب وكل مادة يطلعله الف تخريجة وكل مادة يربطها بالدستور
شوف لان الشغلة اتفيده امجهز نفسه لهيج احراجات بس من يم المواطن ما يعرف كلها براس غيره
وهنا تذكرت صاحبنا بياع الصخول
والله يكون بعون العراق والعراقين

#ماجد_العذاري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل