جا وينه حجيك ذاك وازماطك النا

ماجد العذاري

الحوار المتمدن-العدد: 3987 - 2013 / 1 / 29 - 12:00
المحور: كتابات ساخرة
    

الله بشار وسوريا وبس
بالروح بالدم نفديك يا بشار
اذا قال صدام قال العراق
بروح بالدم نفديك يا صدام
خمس اسنين واحنه للمالكي امأيدين
خمس دورات وللمالكي كل الاصوات
يلي تفكر بالرئاسة ترى ما ايلوك غير مختار العصر للرئاسة
تغيرت الشعارات والاسماء والهدف واحد
ايكولون غني افرح وانا الهموم اغناي
شلون اغني ومصيبة عراقي هي اغناي
جانو خابصينا من جانوا بالمعارضة وجرايدهم الي يوزوعها بالحسينيات وبصحن السيدة زينب عليها السلام وشارع العراقيين وبالحجيرة شيكولون ـ ـ ـ
صدام دكتاتور ولست انا بمدافع عن صدام الان ـ ـ
يابه اشلون على انه امجلب بالكرسي مال الحكم وراح يورثة وراح وراح وشعاراته الي يرفعها تأكد انه ما ينطي الحكم لاحد والصحف والاذاعات العراقية اتصيح دوما وتهلهل بالروح بالدم نفديك يا صدام واذا قال صدام قال العراق والشعارات التي رفعت في حينها وكانوا الجماعة المعارضين ما ايقبلون عليها لانها تمجد وتجهز وتمد القوة للدكتاتورية
زين يابة يعني هاي جانت احد اهدافكم اسقاط الدكتاتورية الغاشمة ـ ـ والله خوش حجي وبارك الله بيكم وهذا ما يتمناه كل شريف ووطني ويحب العراق بس كون تبقون على هذا الكلام
لكن بعد عمكم ليش من وصلتوا لسدة الحكم
من سدة الهندية
من خلف السدة
سدة الحكم ليش الحكم عليه فيضانات وامخلين داير مدايره سده
على كل حال وصلتم لسدة الحكم ليش اتغير حجيكم ومو اكو اغنية اتكول
جا وينه حجيك ذاك وازماطك النا
اشو نفس الشي سويتوه والاصح
بدأتم بتطبيقه
اشوية اشوية
دكتاتورية مالكية
اشلون فد واحد بطران يسئلني
صدام جان يوزع مسدسات للشيوخ وهسه المالكي نفس الشي
صدام جان يوميا دازله على جوكة مال كتاب ومأجورين
هسه المالكي امكابل فضائية العراقية وكاعد
صدام جان يخطب على الجبيرة والزغيرة
هسه المالكي يومية تلكاه بمهرجان لو باحتفال
لو بحفلة طهور لو بفاتحة شيخ
وراسا نصبوله المنصة
ـ ـ وللعلم عنده منصة جاهزة باحد السيارت المرافقة راسا ينزلوها من الصندوك وراسا اربط فيشة خالي وجطل
وجيب ما يكروفانات واشتغلت رحمة الله
زين صدام جان يوظف بعض الشعراء المأجورين ليكتبوا له القصائد هسه بعد عمكم المالكي نفس الشي
كام ايدز على المهاويل ومفردها مهوال يعني المهوسجي مال العشيرة الي يشد الهمة عدهم اثناء الغزو
وبما انه هسه ماكو غزو عسكري علينا لان ابوابنا مفتوحة والحمد لله للارايح وللجاي مو هاي اغنية صدام اتكول الرايح امودعينة والجاي متلكينة
على كل حال المهوال مال المالكي او المهاويل مال المالكي خوش كاعد يخمطون
دك هل شدات المعدلة بس ماكو انواط شجاعة
وخصوصا ايام قرب الانتخابات واما ايام الي اتصير شدة على المالكي راسا اتشوفهم جاهزين ناس اهل مصلحة ويدارون عيشتهم راسا تشتغل الهوسات
زين عمي جا شنو الفرق بينكم وبين صدام وين اعتراضكم على العملية السياسية مال صدام شنو الي اختلفتوا بيه عن صدام بس اتبدلت الاسماء وشلتوا النجمات من العلم هاي الي حصلناه من عدكم
بس شرد اكول عليكم
غير
أسمع جعجعة ولا أرى طحنا
جا وينه حجيك ذاك وازماطك النا

#ماجد_العذاري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل