السَّرْج المُذهَّب لا يجعلُ الحمار حصاناً

ماجد العذاري

الحوار المتمدن-العدد: 3986 - 2013 / 1 / 28 - 15:47
المحور: كتابات ساخرة
    

السَّرْج المُذهَّب لا يجعلُ الحمار حصاناً

هسه هذا القول المأثور اشوكت كالوه يعني من كالوه اشكد جان عدد الحمير واشكد جان عدد الحصن او الخيل يعني ما جان عدهم يرامج لحفظ المعلومات
الله يكون بعونهم
اطلت النائبة عن دولة القانون الشيخة المبجلة المصون وهي تلبس الرداء الشرعي والزي الاسلامي ـ جبه كاملة وبارك الله فيها ـ ـ يعني تعترف بوجود شيء اسمه شرع او شرعية او قانون او قوانين ومن هذه القوانين اسمو قائمتهم دولة القانون ـ لكن الظاهر هم معجبين باغنية لااعرف من صاحبها لا يروح يشتكي علينا بنقابة الفانين لو اسندناها لغيره يقول فيها ـ ـ عزيز بس بالاسم ـ ـ ـ والا كيف تصرح السيدة النائبة بالتصريح التالي ووفق يا قانون
وبمناسبة القانون في ايام زمان واحد راح يشتغل بغير محافظة وما حصل اي شغل فقرر ان يدوخ الجمجمة تالي الليل فكعد بالمايخانة وشرب واثناء نشوته صاح احد البوي او النادل
جيب القانون وسلمه الى احد الاشخاص وبداء يعزف على اوتاره الى ان اطرب الحاظرين وصعدة الحماوة فول وفي هذا الاثناء
دخلت دورية عسس لو امن خاص لو مخابرات لو سوات لو طركاعة مال هاي الاسماء
فكرفوا كلمن كاعد بالمايخانة للصبح عرضوهم على الحاكم راسا بلش بيهم حكمت المحكمة وفق القانون شهر اطلع
الى ان وصل لصاحبنا الغريب كله حكمت المحكمة وفق القانون شهر كله استاذ بروح ابوك عندي سوعال
انته حكمتني بيا قانون
الي جنت الدكون بيه البارحة بالمايخانه
كله اطلع بره شهرين لتجاوزه على القانون
كله خوش ولاية تحكم بقانون بالليل ايدكون بيه وبالنهار ايحكمون بيه
فهسه الجماعة دولة القانون اشلون يسمحون لنائبة تحكم بقانون الليل اسمعوا حكمها
تقول حنان الفتلاوي
, إن ال 170 نائباً سيخيب تصويتهم ونحن واثقون المحكمة الإتحادية ستقف مع المالكي لأن قرار البرلمان مسيس ضده.
وأضافت نستغرب من تصويت نواب الكتل الشيعية مع السنة والكورد على تحديد السقف الزمني لرئيس الوزراء بدورتين فقط.
وقالت نحن لن نقبل على ذلك حتى لو صوت العراق كله لأننا نرغب أن يكون السيد المالكي في رئاسة الوزراء لدورة ثالثة ورابعة وحتى خامسة ـ ـ
انتهى
نص قانون الفتلاوي
لا والمصيبة اتاكد انه
لو صوت العراق كله
بعد عمج عليمن امسوين برلمان وانتخابات واعلانات ومحافظات
اذا انتي تحمين بقانون الليل
الله يكون في عون العراق والعراقيين
ولكن
السَّرْج المُذهَّب لا يجعلُ الحمار حصاناً

#ماجد_العذاري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل