البيتزا البولونية ووزارة الدفاع العراقية

ماجد العذاري

الحوار المتمدن-العدد: 3982 - 2013 / 1 / 24 - 11:04
المحور: كتابات ساخرة
    

البيتزا البولونية ووزارة الدفاع العراقية

الشيخ صباح الساعدي اطل علينا
بابتسامته الطبيعية حتى وهو في اشد حالات التوتر من ما يجري في البرلمان العراقي ـ ـ عود امكيفين احنا عدنا برلمان مثل العالم والبشر ـ ـ تجده مسترسل في كلامه هادئ في الطرح رغم تشنج الاخرين الذين لايردون ان يسمعون صوت الحق الهادر انه صوت ينطلق من اعماق الروح الصادقة مع الشعب ـ ـ
شاهدته في احد القنوات وهو يصدح بوثائقة الدامغة والارقام المخيفة من ملاين الدولارات وكانه يطلق عيارات نارية من مسدس
Magnum
والذي استوقفني موضوع شخص له الذراع الطولى ـ ـ يعني ايده طويله وواصل مرحلة في تسليح الجيش العراقي ـ انه القطان
زياد طارق عبد الله القطان

ـ ـ بياع بيتزا في بولونيا او بولندا كما يحلو للبعض تسميتها المهم القطان مو بولونيا ـ ـ
يانس يا عالم احلفكم بالله اشلون بياع بيتزا يصبح في ليلة ويوم نائب امين عام وزارة الدفاع العراقية شنو هل التغير وشنو هل العلامة والمفكر والعبقري والفيلسوف والفطحل الي صار نائب امين عام وزارة الدفاع
درس الدكتوراه في بولونيا وللعلم اكبر شهادة تباع في بولونيا ب 500 يورو
هسه هذا القطان مدري الكطان الله يرحم كطاطين سوك الخضارة بالبصرة
على كل حال القطان خلي انكول ما اشترى الشهادة درس ونجح واخذ دكتوراه بالاقتصاد حسب الشاهد الذي ادلى بشهادته والبث المباشر من بولونيا وعلى ما اتذكر اسمه ابو صائب
زين شنو علاقة الاقتصاد بالمدسات والرشاشات والمدافع هاي اذا اكو هيج شي على الارض ايجوز بس بالورق
زين اشكد عمره الي اهله ان يصل الى هذا المنصب الا اذا جاء الى هذا المنصب عن طريق الدمج ـ ـ شنو هذا المصطلح ـ عسكري مدني تاهت علينا اذا يوميا ايطلعونا تسمية ومصطلحات جديدة
يشربله ربع بطل شيفاز
REGAL
وهو بحياته ما جان يكدر يشتري ربع عرك صرمهر متعود على العرك الفل بعلاوي الحلة عد قاسم ابو الدم وراسا يصرحنا بتصريحات واسماء ما تفتهم راسه ولا ذيله اذا عنده ذيل
وقطاننا هذا محكوم ب 500 سنة او خمسين على ما اتذكر خلي انكول 50 سنة وهناك ادلة تشير ان قطاننا هذا يصول ويجول في المنطقة الخضراء ـ ـ بس لو اعرف ليش سموها الخضراء مع العلم هناك منطقة الخضراء في بغداد قرب نفق الشرطة ـ ـ ـ فقطاننا يصول ويجول من الخضراء وللمطار ومن المطار للخضرا ء ـ ـ داخله خاركه خاركه داخله ليل وصبح صبح وليل ـ زين وين هاي الشرطة الي يسمونها الوسخة مدري القذرة مدري سوات وينهم لابسين نظارات وفيكات وبمبات هوى وكل قبض ماكو ما يلزمونه هذا لو ما نكدر انكول بت السلطان عورة
بس كادرين على الناس الفقراء بالسيطرات منو لابس بلاتين منو شايل عطر منو شايل شامبو عمت عينكم على هاي السيطرات التعبنه لكن ابو المثل ايكول
ـ ـ الي عندها حبايب تشبع ــ
هذا الفساد الذي يسر مع كل اوردة وشرايان الدوائر الحكومية من كبيرهم لزغيرهم متى يتم التخلص منه ومتى يشعر المواطن العراقي بانه في امان وان حياته غير مهددة بالخطر
وبس سؤال اذا سمحتولي ولو اني طولت عليكم سؤالي الى السادة المسعولين
س

ـ ـ العباس ابو فاضل عليكم اشوكت اشبعون من خمط ملاين الدولارات
واطالب الشيخ صباح الساعدي المحترم بان يكثر من ابتساماته واطلاقاته
والله يستر عليه من شر المنطقة الخضراء

#ماجد_العذاري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات