القرش الابيض ينفع في اليوم الاسود

ماجد العذاري

الحوار المتمدن-العدد: 3987 - 2013 / 1 / 29 - 10:17
المحور: كتابات ساخرة
    

القرش الابيض ينفع في اليوم الاسود

هذا المثل تم تحويره في العراق باعتبار التحوير شغلة هينة عدنا ابتداء من الستيرن يمنه يحوروه لستيرن يسرى وانت صاعد نازل كلشي يتحور بفلوسك اتحور كلشي
استعملوا جماعة المنطقة الجرداء فد شغلة عجيبة غريبة في تحوير هذا المثل
اشلون
ملف الفساد الابيض يفيدك في اليوم الي يصر عليك اسود
كل ما ينحصر مسعول من دولتنا الرشيدة وتبداء الاضواء الكاشفة مال ملعب الشعب الدولي على شغلاته ويطلع خياسه وخمطه وشفطه ولفطه من مال الشعب
عبالك مال الخلفوه بس امنيلهم الناس الي خلفوه الله يرحمهم ماتوا وافلوس الفاتحة صارت على العشيرة
فمسعولنا من يطلبوه او من يعرف راح يجي عليه الدور او وصل عليه الدور للاستجواب
هسه هو يعرف كلشي ماكو راح يصير عليه استنادا الى الحالات التي سبقته والتي ستاتي من بعده
ونفس الطاس والحمام واليكم
فد مراجعة بسيطة
شنو الي سوه لبريمر من خمط المليارات
شنو الي سوه لحازم الشعلان من خمط المليارات
شنو الي سوه لوزير التجارة السوداني من خمط المليارات
شنو الي سوه لصابر العيساوي
وهسه اكو مليون خماط مثل صابر العيساوي
شنو الي سوه من اكتشفوا فساد في صفق السلاح الروسي والاوكراني والبلغاري والصربي
ادري شنو سركم مدفون بالدول الاشتراكية
وووووووو وللصبح خل ياخذون واواواواوا
و
لانها كلها متشابجة ناس وي ناس بالخمط
بس هو ايكلك خل اتغدى بيهم قبل لا يتعشون بيه
فشيسوي يكوم يصرح السيد المسعول انه لديه ملفات فساد على المسعول الي عرف هو الي كاعد اينبش عليه
فيبداء يصرح هنا وهنا واشلون يبداء مو راسا على المحطات الفضائية
لا اعيوني اولا يبدي بطريقة الحسجة العراقية والي ما يعرف الحسجة هاي مشكلته ـ ـ سوف اتطرق اليها ان شاء الله في موضع قادم ـ ـ
فاذا ما عرفوا كلامه الموجه اليهم بطريقة الحسجة
يبلش على الناعم اشوي اشوي عسى ان يفكون عنه ياخة
واذا ما شاف وراهم رجى ايبلش يحجي على المكشوف لكن في كل الاحوال النتيجة معروفة لان الحكم متعاون وي الطرفين
مو مثل الحكم السعودي الي مردنا مرد وي الامارات
فالنتيجة تعادل ولا اشواط اضافية ولا ضربات جزاء وتنتهي اللعبة
بعد ان وصلت الرسالة الى هيئة النزاهة يابة الكم المقسوم وخلصونا وخل اتولي الشغلة وخلوها جو الفراش

وحب خالك حب خالك
إذا قل ماء الوجه قل حياؤه ولا خير في وجه إذا قل ماؤه

وينزل الستار وتنتهي المسرحية
تحت عنوان
إذا تخاصم اللصان ظهر المسروق

#ماجد_العذاري (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل